Seinni bylgjan: Þrír Haukar í liði umferðarinnar

Farið var yfir 2. umferð Olís-deildar karla í Seinni bylgjunni á Stöð 2 Sport í gær.

Björgvin Páll Gústavsson fékk 10 í einkunn fyrir frammistöðu sína í 29-23 sigri Hauka á ÍBV og það kom því lítið á óvart að hann var valinn Nocco leikmaður umferðarinnar.

Björgvin Páll hefur farið frábærlega af stað á tímabgilinu og varið eins og berserkur í fyrstu tveimur leikjum Hauka sem báðir unnust.

Björgvin Páll var að sjálfsögðu í liði 2. umferðar. Haukar áttu tvo aðra fulltrúa í því, Daníel Þór Ingason og Hákon Daða Styrmisson, og þá var Gunnar Magnússon valinn þjálfari umferðarinnar.

FH-ingarnir Ágúst Birgisson og Ásbjörn Friðriksson voru einnig í liði umferðarinnar ásamt ÍR-ingnum Kristjáni Orra Jóhannssyni og Selfyssingnum Teiti Erni Einarssyni.

Hákon Daði var svo valinn hörkutól umferðarinnar.

Nocco leikmaður umferðarinnar

Lið umferðarinnar

Hörkutól umferðarinnar