Erlent

Kúkur kom upp um innbrotsþjóf

Jóhann Óli Eiðsson skrifar
Andrew David Jensen er i bobba.
Andrew David Jensen er i bobba. mynd/lögreglan í ventura-sýslu
Fangelsisvist bíður seinheppins bandarísks innbrotþjófs sem handtekinn var 28. júlí síðastliðinn. Lífsýni úr saur kom upp um hann.

Hinn 42 ára gamli Andrew Jensen braust inn í hús í borginni Thousand Oaks í Ventura-sýslu í Kaliforníu. Í miðjum klíðum gerði hann hlé á iðju sinni til að hægja sér. Hins vegar gleymdi hann að sturta niður.

Úrgangur mannsins var enn í skálinni þegar lögreglumenn bar að garði. DNA úr skarni mannsins passaði við eldri sýni og eftirleikurinn því auðveldur fyrir lögregluna.

Birtist í Fréttablaðinu

Mest lesið


Fleiri fréttir

Sjá meira


×

Mest lesið