Sport

Aníta hársbreidd frá því að slá Íslandsmetið sem hún setti á fimmtudaginn

Ingvi Þór Sæmundsson skrifar
Aníta á ferðinni í hlaupinu í dag.
Aníta á ferðinni í hlaupinu í dag. vísir/epa
Aníta Hinriksdóttir var hársbreidd frá því að bæta fjögurra daga gamalt Íslandsmet sitt í 800 metra hlaupi á Demantamóti í Stokkhólmi í dag.

Aníta kom í mark á 2:00,06 mínútum og endaði í 7. sæti.

Aníta bætti Íslandsmet sitt í 800 metra hlaupi á Demantamóti í Osló á fimmtudaginn. Þá hljóp hún á 2:00,05 mínútum.

Aníta var því eins nálægt því og hægt er að jafna eða bæta Íslandsmetið sitt.

Francine Niyonsaba, silfurverðlaunahafi frá Ólympíuleikunum í Ríó í fyrra, varð hlutskörpust í hlaupinu í dag á 1:59,11.

Lovisa Lindh frá Svíþjóð varð önnur (1:59,41) og Svisslendingurinn Selina Büchel þriðja (1:59,66).

Frjálsar íþróttir

Tengdar fréttir

Ótrúlegir fimm dagar Anítu

Aníta Hinriksdóttir bætti eigið Íslandsmet í 800 metra hlaupi um níu hundraðshluta úr sekúndu á Demantamóti í Ósló í gær. Hlaupið var sterkt og reynslan því afar mikilvæg fyrir Anítu sem er með nóg af verkefnum í sumar.

Mest lesið


Fleiri fréttir

Sjá meira


×

Mest lesið