Innlent

Örlög hundrað starfsmanna HB Granda skýrast

Kolbeinn Tumi Daðason skrifar
Starfsmenn HB Granda í landvinnslu á Akranesi hafa verið boðaðir til fundar klukkan 15.
Starfsmenn HB Granda í landvinnslu á Akranesi hafa verið boðaðir til fundar klukkan 15. Vísir/Eyþór
Forstjóri HB Granda, Vilhjálmur Vilhjálmsson, situr nú fund með formanni Verkalýðsfélagi Akraness og trúnaðarmönnum. Reiknað er með að tilefni fundarins séu uppsagnir hundrað starfsmanna í landvinnslu sem frestað var á dögunum.

Á heimasíðu VLFA segir formaðurinn, Vilhjálmur Birgisson, að forstjóri HB Granda hafi boðað til fundarins sem hófst klukkan 14:15. Í framhaldinu verður fundað með starfsmönnum HB Granda klukkan 15.

„Formaður veit ekki hvert tilefni fundarins er en það er ljóst að það tengist þessum áformum og því er það einlæg von Verkalýðsfélags Akraness að tíðindin verði jákvæð þannig að hægt verði að bjarga þeim mikilvægu störfum sem hér eru undir. Eins og áður sagði eru þetta uppundir 100 manns sem starfa í landvinnslunni en með afleiddum störfum eru uppundir 150 störf sem um ræðir,“ segir Vilhjálmur.

Forsvarsmenn HB Granda tilkynntu í lok mars að til stæði að leggja niður landvinnsluna á Akranesi og segja fyrrnefndum tæplega hundrað starfsmönnum upp störfum. Síðan hafa HB Grandi og Akraneskaupstaður átt í viðræðum. Niðurstöður þeirra funda mun væntanlega koma fram á fundum dagsins.

Arðgreiðslur til eigenda HB Granda fyrir árið 2016 námu tæplega tveimur milljörðum króna.


Tengdar fréttir

Nærri tveir milljarðar í arð hjá Granda

Ein króna á hvern hlut í HB Granda verður greidd í arð vegna ársins 2016. Samtals nemur fjárhæðin 1,8 milljörðum króna. Arðurinn verður greiddur þann 31. maí næstkomandi. Þetta var samþykkt á aðalfundi HB Granda í gær.

Óttast ekki að missa Granda á Akranes

Dagur B. Eggertsson, formaður Faxaflóahafna, sem ætla að byggja upp fyrir á annan milljarð fyrir HB Granda á Akranesi óttast ekki að störf fyrirtækisins flytjist frá Reykjavík upp á Skaga. Forstjóri HB Granda hefur sagt engar líkur á að




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.