Viðskipti innlent

Ólafur búinn að afhenda gögnin

Sunna Karen Sigurþórsdóttir skrifar
Geir Haarde, Valgerður Sverrisdóttir og Ólafur Ólafsson við undirritun samningsins um sölu Búnaðarbankans í janúar 2003.
Geir Haarde, Valgerður Sverrisdóttir og Ólafur Ólafsson við undirritun samningsins um sölu Búnaðarbankans í janúar 2003. vísir/vilhelm
Stjórnskipunar- og eftirlitsnefnd Alþingis hefur fengið afhent þau gögn sem Ólafur Ólafsson fjárfestir hyggst kynna nefndinni á morgun. Nefndarmenn fengu gögnin í hendurnar síðdegis en þeir fóru fram á að fá að kynna sér þau.



Þetta staðfestir Jón Steindór Valdimarsson, varaformaður nefndarinnar, í samtali við fréttastofu. Jón Steindór stýrir umfjöllun nefndarinnar um skýrslu rannsóknarnefndar Alþingis um einkavæðingu Búnaðarbankans, en Ólafur gegnir aðalhlutverki í skýrslunni.



Jón vill ekki upplýsa um eðli gagnanna né umfang þeirra. Það komi í ljós á fundinum á morgun. Fyrri hluti fundarins verður opinn fjölmiðlum og hefst klukkan 15. Rannsóknarnefndin mun í framhaldinu sitja fyrir svörum en sá hluti fundarins verður lokaður.



Ólafur fór sjálfur fram á að koma fyrir nefndina og útskýra mál sitt en hann neitar því staðfastlega að hafa staðið í blekkingum við íslenska ríkið við kaupin á bankanum árið 2003.


Tengdar fréttir




Fleiri fréttir

Sjá meira


Mesta hækkun dagsins


Engar hækkanir skráðar í dag

Mesta lækkun dagsins


Engar lækkanir skráðar í dag
Velkomin á Vísi. Þessi vefur notar vafrakökur. Sjá nánar.