Mistök hafa verið gerð í mengunarmælingum í Helguvík og þarf að endurskoða niðurstöður rykmælinga frá árinu 2016. Orkurannsóknir ehf. segja fyrri mælingar um innihald þungmálma og PAH efna í ryksýnum í nágrenni við verksmiðju United Silicon, vera úr öllu samhengi við raunverulega losun frá fyrirtækinu.
Verið er að skoða hvernig mistökin eru til komin, en í bréfi frá Orkurannsóknum til Umhverfisstofnunar segir að vitað sé að kerfisskekkja geti átt sér stað við mælingar þannig að 3-4-föld hækkun hafi orðið á öllum mælingum.
Bréfið má sjá hér neðst í fréttinni.
Ástæða þess að rýnt var í niðurstöður mælinganna er hve mikil hækkun mengunarefna hefur mælst á tímabili þegar nánast engin starfsemi var í verksmiðjunni.
Niðurstöður mælinga á ryksýnum sem tekin voru í mælistöðinni við Hólmbergbraut voru bornar saman við efnagreiningar á ryki frá útblæstri kísilverksmiðju United Silicon. Í tilkynningu frá fyrirtækinu segir að samanburðurinn sýni allt að 57 sinnum meira magn þessara efna í ryksýnunum en það sem mælist í ryki frá verksmiðjunni.
Endurskoða þarf mælingar frá 2016 í Helguvík
Tengdar fréttir
United Silicon segir að að leita þurfi að upptökum mengunarinnar víðar en hjá verksmiðjunni
Notkun flugelda um áramót kann að geta skýrt hátt gildi arsenmengunar að mati stjórnenda United Silicon.
Verksmiðja United Silicon sú eina sem liggur undir grun
Umhverfisstofnun tengir uppsprettu arsenmengunar við ekkert annað en verksmiðju United Silicon í Helguvík.
Þingmaður biður þjóðina afsökunar vegna stuðnings við United Silicon
Ásmundur Friðriksson, þingmaður Sjálfstæðisflokksins gagnrýndi forsvarsmenn fyrirtækisins United Silicon harðlega á Alþingi í dag. Bað hann íslensku þjóðina afsökunar á því að hafa greitt götu fyrirtækisins á sínum tíma.
United Silicon sakar Umhverfisstofnun um „alvarlegar hótanir“
Stjórnendur United Silicon segja að stöðugar mælingar, sem framkvæmdar eru af óháðum aðila, hafi verið gerðar á umhverfisáhrifum starfsemi verskmiðjunnar í Helguvík frá því hún hóf störf
Ásmundur segir United Silicon hafa svikið öll fyrirheit
Þingmaður Sjálfstæðisflokksins bað þjóðina afsökunar á því á Alþingi í dag að hafa stutt uppbyggingu United Silicon í Helguvík
Kísilverið í Helguvík: Ekki verið hægt að greina útbreidd eða ákveðin sjúkdómseinkenni hjá íbúum
Embætti landlæknis sendir frá sér yfirlýsingu.
Íbúum stafar ekki bráð hætta af mengun
„Það er hins vegar mikilvægt að það verði dregið úr þessari losun arsens og Umhverfisstofnun mun fylgja því eftir,“ segir Sigrún Ágústsdóttir, sviðsstjóri hjá Umhverfisstofnun.
