Zik Zak opnar á Glerártorgi

KYNNING Zik Zak opnaði nýja verslun á Glerártorgi á Akureyri í gær og fengu fyrstu viðskiptavinir verslunarinnar veglegan kaupauka. Sigga Kling hélt uppi fjörinu og var útvarpað beint á Bylgjunni. Verslunin hefur notið mikillar vinsældar á síðustu árum og þar eru iðulega skemmtilegar uppákomur og viðburðir.  Í síðasta mánuði fagnaði verslunin sextán ára afmæli.

„Við erum einstaklega ánægð með nýju verslunina á Akureyrir og móttökurnar sem við höfum fengið. Nú vonum við að Norðlendingar kunni vel að meta,“ segir Sigríður Ómarsdóttir, einn eigandi Zik Zak.

Hún segir ýmis opnunartilboð verða í báðum verslunum framyfir helgi, eða 30-60% afslátt af völdum vörum. „Opnunartilboðin eru ekki af verri endanum en hægt er að næla sér í boli frá 990 krónum, kjóla frá 1.990 krónum og leggings frá 1.990 krónum. Þá verðum við með glæsilegt happdrætti hér fyrir norðan þar sem fjöldinn allur af stórglæsilegum vinningum eru í boði. Happdrættið stendur fram á mánudag og verður dregið út á þriðjudag. Á morgun verðum við svo með plötusnúð og ýmis skemmtilegheit,“ segir Sigríður.

Í Zik Zak er að finna fjölbreytt úrval af hversdags- og sparikvenfatnaði í öllum stærðum. Sömuleiðis kom nú á dögunum glæný úlpusending af hinum sívinsælu úlpum Zik Zak sem hafa slegið rækilega í gegn. Þar fást líka skór, skart og fylgihlutir og stendur til að auka úrvalið af skarti til muna.

„Við leggjum mikla áherslu á að bjóða snið og stærðir sem henta ólíkum vexti. Stærðirnar eru ýmist frá s til xxxl eða 36 til 56. Við erum með fatnað frá hinum ýmsu framleiðendum en auk þess hönnum við og framleiðum okkar eigin línu undir merkinu Zik Zak. Með því að hanna eigin línu getum lagað hana að þörfum viðskiptavina og haldið verðinu niðri, en það er okkur mikið hjartans mál.“

Zik Zak er með 17.000 fylgjendur á facebook. Sigríður hvetur alla til að líka við síðuna. „Þar setjum við inn allt það nýjasta og helsta sem er um að vera hverju sinni.“