Ákærður fyrir skotárás á Akureyri

Héraðssaksóknari hefur gefið út ákæru á hendur manni á fimmtugsaldri fyrir að hafa skotið fimm skotum úr haglabyssu að bifreiðum og inngangi íbúðar í Naustahverfi á Akureyri í mars í fyrra.

Manninum er gefið að sök að hafa stofnað lífi og heilsu íbúa í augljósa hættu með framferði sínu.

Í ákærunni kemur fram að rúða í forstofu brotnaði og skemmdir urðu á innanstokksmunum og fatnaði í anddyri. Hagladrífan stöðvaðist á skáphurðum og vegg andspænis útidyrahurð hússins. 

Fréttin birtist fyrst í Fréttablaðinu