Narsissus snýr aftur Óttar Guðmundsson skrifar 25. mars 2017 07:00 Narsissus hét ægifagur konungsson í grísku goðafræðinni. Hann forsmáði ástina og móðgaði guðina. Þeir lögðu það á Narsissus að hann yrði ástfanginn af sinni eigin spegilmynd. Í skógarferð varð honum litið ofan í stöðuvatn og sá andlit sitt í vatnsfletinum. Hann féll á hné og reyndi að kyssa myndina en hún hvarf þá ofan í djúpið. Þau urðu örlög Narsissusar að hann dó við vatnið starandi á sjálfan sig í blindri aðdáun. Sigmundi Freud var þessi saga hugleikin og hann kallaði sjálfhverft fólk narsissista. Þekktasti narsissistinn í heimi ævintýranna er stjúpa Mjallhvítar. Hún starði á eigin spegilmynd og spurði hver væri fegurst allra kvenna í jarðríki. Þegar spegillinn svaraði að það væri Mjallhvít ákvað konan að drepa stúlkuna og brjóta spegilinn. Nútíminn með sínum samfélagsmiðlum er paradís narsissistans. Hann getur póstað nýjum myndum af sér daglega og fengið þúsundir læka og uppörvandi athugasemdir (flottust/flottastur). Þetta nærir sálina eins og hunang. Stöku sinnum kemur þó babb í bátinn. Lækin verða ekki nógu mörg eða lýsingarorðin ekki nógu hástemmd. Í versta falli svarar spegillinn og segir viðkomandi að hún eða hann sé bara alls ekki fallegust, flottust eða glæsilegust. Þetta veldur oftar en ekki miklum harmi og sjálfstraustið hrynur eins og spilaborg. Ef menn vilja sýna náungakærleika í verki er skynsamlegt að læka allar myndir og skrifa með jákvæðar athugasemdir. Það mundi án efa bjarga geðheilsu þjóðarinnar. Sá sem ekki gerir það á ekkert betra skilið en stjúpa Mjallhvítar. Hún dansaði á eldglóandi skóm þar til hún dó kvalafullum dauða og hananú. Greinin birtist fyrst í Fréttablaðinu. Viltu birta grein á Vísi? Sendu okkur póst. Senda grein Óttar Guðmundsson Mest lesið Við höfum ekki efni á norsku leiðinni Heiðrún Lind Marteinsdóttir Skoðun Fólkið sem gleymdist í Grindavík Bryndís Gunnlaugsdóttir Skoðun Hver er viðskiptalegur ávinningur af EES-samningnum? Sigurbjörn Svavarsson Skoðun Ríkisstjórn sem skeytir engu Diljá Matthíasardóttir Skoðun Rússar pyntuðu og myrtu úkraínsku blaðakonuna Viktoriiu Roshchyna Erlingur Erlingsson Skoðun Styðjum þá sem bjarga okkur Jens Garðar Helgason Skoðun Opið bréf til hæstvirts innviðaráðherra, Eyjólfs Ármannssonar, um íslensku og ábyrgð Nichole Leigh Mosty Skoðun Elsku ASÍ, bara… Nei Sunna Arnardóttir Skoðun Áskorun til ráðherra mennta- og barnamála og ráðherra menningarmála Anna Klara Georgsdóttir Skoðun Gigtarmaí 2025 – Stuðlum að forvörnum, fræðslu og vitundarvakningu Hrönn Stefánsdóttir Skoðun
Narsissus hét ægifagur konungsson í grísku goðafræðinni. Hann forsmáði ástina og móðgaði guðina. Þeir lögðu það á Narsissus að hann yrði ástfanginn af sinni eigin spegilmynd. Í skógarferð varð honum litið ofan í stöðuvatn og sá andlit sitt í vatnsfletinum. Hann féll á hné og reyndi að kyssa myndina en hún hvarf þá ofan í djúpið. Þau urðu örlög Narsissusar að hann dó við vatnið starandi á sjálfan sig í blindri aðdáun. Sigmundi Freud var þessi saga hugleikin og hann kallaði sjálfhverft fólk narsissista. Þekktasti narsissistinn í heimi ævintýranna er stjúpa Mjallhvítar. Hún starði á eigin spegilmynd og spurði hver væri fegurst allra kvenna í jarðríki. Þegar spegillinn svaraði að það væri Mjallhvít ákvað konan að drepa stúlkuna og brjóta spegilinn. Nútíminn með sínum samfélagsmiðlum er paradís narsissistans. Hann getur póstað nýjum myndum af sér daglega og fengið þúsundir læka og uppörvandi athugasemdir (flottust/flottastur). Þetta nærir sálina eins og hunang. Stöku sinnum kemur þó babb í bátinn. Lækin verða ekki nógu mörg eða lýsingarorðin ekki nógu hástemmd. Í versta falli svarar spegillinn og segir viðkomandi að hún eða hann sé bara alls ekki fallegust, flottust eða glæsilegust. Þetta veldur oftar en ekki miklum harmi og sjálfstraustið hrynur eins og spilaborg. Ef menn vilja sýna náungakærleika í verki er skynsamlegt að læka allar myndir og skrifa með jákvæðar athugasemdir. Það mundi án efa bjarga geðheilsu þjóðarinnar. Sá sem ekki gerir það á ekkert betra skilið en stjúpa Mjallhvítar. Hún dansaði á eldglóandi skóm þar til hún dó kvalafullum dauða og hananú. Greinin birtist fyrst í Fréttablaðinu.
Opið bréf til hæstvirts innviðaráðherra, Eyjólfs Ármannssonar, um íslensku og ábyrgð Nichole Leigh Mosty Skoðun
Áskorun til ráðherra mennta- og barnamála og ráðherra menningarmála Anna Klara Georgsdóttir Skoðun
Opið bréf til hæstvirts innviðaráðherra, Eyjólfs Ármannssonar, um íslensku og ábyrgð Nichole Leigh Mosty Skoðun
Áskorun til ráðherra mennta- og barnamála og ráðherra menningarmála Anna Klara Georgsdóttir Skoðun