Poppað lag með texta frá Högna Stefán Þór Hjartarson skrifar 17. mars 2017 10:00 Ásgeir verður meira minna á ferð og flugi það sem eftir lifir árs en mun þó til að mynda spila á Airwaves. Vísir/Anton Brink Ásgeir, áður Ásgeir Trausti, sendir frá sér glænýtt lag í dag af nýjustu plötunni sinni Unbound sem kemur út í maí. Lagið ber titilinn Stardust. Sú nýbreytni hefur orðið að það er Högni Egilsson sem sér um textagerð en ekki Einar Georg, faðir Ásgeirs, eins og iðulega. „Þetta er aðeins öðruvísi en það eru einhver element svipuð. Það eru þarna kassagítarar og svona – en mestmegnis er þetta elektrónískt – þetta er líka frekar poppað, pínu syntapopp í þessu,“ segir Ásgeir sem gefur í dag, klukkan hálf tvö, út nýtt lag – Stardust. Lagið er síngúll af komandi plötu Ásgeirs en hún mun vera titluð Afterglow og er væntanleg þann fimmta maí. Áður hafði komið út lagið Unbound en það hefur rakað inn spilunum á Spotify og stendur núna í sirka 1,2 milljónum hlustana. Blaðamaður spyr Ásgeir hvort þetta sé stuðlagið á plötunni og hann svarar því svo að það megi alveg kalla Stardust það. Annað sem er kannski öðruvísi við þetta lag en önnur lög Ásgeirs er að Högni Egilsson sér um að semja textann í þetta sinn en ekki Einar Georg, faðir Ásgeirs, sem yfirleitt hefur séð um þá hlið. „Ætli ég hafi ekki gert þetta lag sumarið 2015 og við höfðum verið að vesenast með texta fyrir það í svolítinn tíma, alveg nokkra en það var einhvern veginn aldrei almennilega að virka. Við ákváðum því að heyra í Högna, svona upp á að prófa að fá einhvern annan og líka vegna þess að ég hef í gegnum tíðina verið aðdáandi þess sem hann hefur gert. Hann sló til og gerði texta. Síðan kíkti hann upp í stúdíó og við fórum yfir þetta saman. Okkur fannst þetta koma best út með hans texta.“ Ásgeir segir plötuna tilbúna og hann hefur staðið í ströngu við að kynna gripinn síðustu vikurnar, hann var í Hollandi, Bretlandi og Belgíu að kynna hana og heldur út innan skamms í aðra lotu af kynningum – Danmörk, Asía og Ástralía eru komnar inn á planið. Annars segir hann upptökur hafa gengið vel, hann tók sér góðan tíma í þær enda hefur hann verið nánast á stöðugu ferðalagi síðan Dýrð í dauðaþögn kom út og því ekki unnist neitt alltof mikill tími til stúdíóvinnu. Í maí heldur Ásgeir út í tónleikaferðalag sem mun „aðeins“ taka um ár í þetta sinn og mun hann heimsækja stóran hluta heimsins. Við Íslendingar fáum þó aðeins að berja hann augum; hann spilar á Airwaves og segist ætla að reyna að kreista út nokkra tónleika fyrir okkur, fólkið hér heima. Stardust verður frumspilað á tónlistarvefnum Consequence of Sound klukkan 13.30 í dag.Högni er alltaf með geggjaðar pælingar í gangi. Vísir/GVAHögni Egilsson um textann„Það er örvinglun sem grípur sérhverja manneskju sem kann að festast í losta og alsælu ástarinnar. Þú skolast til og litirnir gætu orðið grárri og grárri. Það er áhætta að gefa sig og líkurnar á því að ávinningurinn sé þess virði eru ekki miklar. Manneskjan fórnar því eina sem skapað hefur henni tilveru. Allar þessar tilfinningar sem hafa hjálpað henni að finna til falla ásamt augnlokunum til jarðar því tilraun morgundagsins um endurreisn, göfgi og sálarvind verður aðeins raunveruleg ef úr verður samkomulag. En það þarfnast biðlundar og þols. Það er söngurinn sem sunginn er, skilningur og tími eru ekki leikmunir á sviði heldur dýrmætar gjafir sem ástleitinn piltur ber með sér í vonleysi. Og það gerir hann dapran og fagran. Og um leið ríkan. Því hann á heima á stóru engi þar sem heimurinn fellur í hvert skipti sem augun lokast og varirnar snertast, þær gera það þangað til sólin rís á ný. Allt annað (í þessum heimi) er bara ryð og stjörnuryk.“Hér fyrir neðan má heyra viðtal við Ásgeir sem var tekið á Bylgjunni í morgun. Tónlist Mest lesið Friðrik Ómar bauð upp á sveppi – og Villi hefði elskað það! Gagnrýni Dreymir um að finna fólkið sem gaf hana frá sér Lífið Kossaflens á klúbbnum Lífið „Finnst við oft gleyma þeim sem geta ekki tjáð sig“ Lífið „Guð skapaði þig og hann gerir ekki mistök“ Lífið Saman á rauða dreglinum Bíó og sjónvarp Sárþjáður Eyfi sendur með sjúkrabíl og skellt í aðgerð Lífið Stjörnulífið: „Mesta milf Íslands“ Lífið Þótti ekki viðeigandi að gefa fagaðilum gervitittlinga Lífið „Léleg“ hönnun gervigreindar reyndist mannanna verk Menning Fleiri fréttir Þótti ekki viðeigandi að gefa fagaðilum gervitittlinga „Guð skapaði þig og hann gerir ekki mistök“ „Finnst við oft gleyma þeim sem geta ekki tjáð sig“ Dreymir um að finna fólkið sem gaf hana frá sér Krúttlegustu áheyrnarprufur ársins Kossaflens á klúbbnum Sjóðheitar skvísur í hvolpajóga brutu næstum Internetið Sárþjáður Eyfi sendur með sjúkrabíl og skellt í aðgerð „Hálfur áratugur með þér my love“ Herra stal hund Sunnevu og mætti með hann í Bannað að hlæja Enn veldur Britney áhyggjum „Ég er tilbúin að vera þetta ofurpar sem okkur er ætlað að verða“ Trúlofuðu sig í laxveiði Höfundur hinna erótísku Rutshire Chronicles-bóka látinn Áróðursvélar Netanjahús séu á fullu blasti í Eurovision Stjörnulífið: „Mesta milf Íslands“ „Ég hef tapað vinum á því að eiga peninga“ Sonur Tinu Turner látinn Óraunverulegt að kaupa íbúð í miðborg London Krakkatían: Bannað að hlæja, Friðarsúlan og Iceguys Sat uppi með útgáfu af sjálfri sér sem hún kunni ekki við Ungir Sjálfstæðismenn samankomnir á sambandsþingi Fréttatía vikunnar: Play, fiskbúðingur og stjörnuskilnaður Gerður í Blush hennar helsta fyrirmynd Útbjó lágkolvetna prógram fyrir systur sína sem léttist strax og fékk meiri orku Flugfreyja, íþróttakona og ráðherra breyttu leiknum „Ákvað að skilja hana eftir þar og athuga hversu langt ég kæmist“ „Gætum orðið fyrsta þjóð í heimi til að útrýma leghálskrabbameini“ „Rétturinn sem fjölskyldan þín mun elska og biðja um aftur og aftur“ Keeping Up Appearances-leikkona látin Sjá meira
Ásgeir, áður Ásgeir Trausti, sendir frá sér glænýtt lag í dag af nýjustu plötunni sinni Unbound sem kemur út í maí. Lagið ber titilinn Stardust. Sú nýbreytni hefur orðið að það er Högni Egilsson sem sér um textagerð en ekki Einar Georg, faðir Ásgeirs, eins og iðulega. „Þetta er aðeins öðruvísi en það eru einhver element svipuð. Það eru þarna kassagítarar og svona – en mestmegnis er þetta elektrónískt – þetta er líka frekar poppað, pínu syntapopp í þessu,“ segir Ásgeir sem gefur í dag, klukkan hálf tvö, út nýtt lag – Stardust. Lagið er síngúll af komandi plötu Ásgeirs en hún mun vera titluð Afterglow og er væntanleg þann fimmta maí. Áður hafði komið út lagið Unbound en það hefur rakað inn spilunum á Spotify og stendur núna í sirka 1,2 milljónum hlustana. Blaðamaður spyr Ásgeir hvort þetta sé stuðlagið á plötunni og hann svarar því svo að það megi alveg kalla Stardust það. Annað sem er kannski öðruvísi við þetta lag en önnur lög Ásgeirs er að Högni Egilsson sér um að semja textann í þetta sinn en ekki Einar Georg, faðir Ásgeirs, sem yfirleitt hefur séð um þá hlið. „Ætli ég hafi ekki gert þetta lag sumarið 2015 og við höfðum verið að vesenast með texta fyrir það í svolítinn tíma, alveg nokkra en það var einhvern veginn aldrei almennilega að virka. Við ákváðum því að heyra í Högna, svona upp á að prófa að fá einhvern annan og líka vegna þess að ég hef í gegnum tíðina verið aðdáandi þess sem hann hefur gert. Hann sló til og gerði texta. Síðan kíkti hann upp í stúdíó og við fórum yfir þetta saman. Okkur fannst þetta koma best út með hans texta.“ Ásgeir segir plötuna tilbúna og hann hefur staðið í ströngu við að kynna gripinn síðustu vikurnar, hann var í Hollandi, Bretlandi og Belgíu að kynna hana og heldur út innan skamms í aðra lotu af kynningum – Danmörk, Asía og Ástralía eru komnar inn á planið. Annars segir hann upptökur hafa gengið vel, hann tók sér góðan tíma í þær enda hefur hann verið nánast á stöðugu ferðalagi síðan Dýrð í dauðaþögn kom út og því ekki unnist neitt alltof mikill tími til stúdíóvinnu. Í maí heldur Ásgeir út í tónleikaferðalag sem mun „aðeins“ taka um ár í þetta sinn og mun hann heimsækja stóran hluta heimsins. Við Íslendingar fáum þó aðeins að berja hann augum; hann spilar á Airwaves og segist ætla að reyna að kreista út nokkra tónleika fyrir okkur, fólkið hér heima. Stardust verður frumspilað á tónlistarvefnum Consequence of Sound klukkan 13.30 í dag.Högni er alltaf með geggjaðar pælingar í gangi. Vísir/GVAHögni Egilsson um textann„Það er örvinglun sem grípur sérhverja manneskju sem kann að festast í losta og alsælu ástarinnar. Þú skolast til og litirnir gætu orðið grárri og grárri. Það er áhætta að gefa sig og líkurnar á því að ávinningurinn sé þess virði eru ekki miklar. Manneskjan fórnar því eina sem skapað hefur henni tilveru. Allar þessar tilfinningar sem hafa hjálpað henni að finna til falla ásamt augnlokunum til jarðar því tilraun morgundagsins um endurreisn, göfgi og sálarvind verður aðeins raunveruleg ef úr verður samkomulag. En það þarfnast biðlundar og þols. Það er söngurinn sem sunginn er, skilningur og tími eru ekki leikmunir á sviði heldur dýrmætar gjafir sem ástleitinn piltur ber með sér í vonleysi. Og það gerir hann dapran og fagran. Og um leið ríkan. Því hann á heima á stóru engi þar sem heimurinn fellur í hvert skipti sem augun lokast og varirnar snertast, þær gera það þangað til sólin rís á ný. Allt annað (í þessum heimi) er bara ryð og stjörnuryk.“Hér fyrir neðan má heyra viðtal við Ásgeir sem var tekið á Bylgjunni í morgun.
Tónlist Mest lesið Friðrik Ómar bauð upp á sveppi – og Villi hefði elskað það! Gagnrýni Dreymir um að finna fólkið sem gaf hana frá sér Lífið Kossaflens á klúbbnum Lífið „Finnst við oft gleyma þeim sem geta ekki tjáð sig“ Lífið „Guð skapaði þig og hann gerir ekki mistök“ Lífið Saman á rauða dreglinum Bíó og sjónvarp Sárþjáður Eyfi sendur með sjúkrabíl og skellt í aðgerð Lífið Stjörnulífið: „Mesta milf Íslands“ Lífið Þótti ekki viðeigandi að gefa fagaðilum gervitittlinga Lífið „Léleg“ hönnun gervigreindar reyndist mannanna verk Menning Fleiri fréttir Þótti ekki viðeigandi að gefa fagaðilum gervitittlinga „Guð skapaði þig og hann gerir ekki mistök“ „Finnst við oft gleyma þeim sem geta ekki tjáð sig“ Dreymir um að finna fólkið sem gaf hana frá sér Krúttlegustu áheyrnarprufur ársins Kossaflens á klúbbnum Sjóðheitar skvísur í hvolpajóga brutu næstum Internetið Sárþjáður Eyfi sendur með sjúkrabíl og skellt í aðgerð „Hálfur áratugur með þér my love“ Herra stal hund Sunnevu og mætti með hann í Bannað að hlæja Enn veldur Britney áhyggjum „Ég er tilbúin að vera þetta ofurpar sem okkur er ætlað að verða“ Trúlofuðu sig í laxveiði Höfundur hinna erótísku Rutshire Chronicles-bóka látinn Áróðursvélar Netanjahús séu á fullu blasti í Eurovision Stjörnulífið: „Mesta milf Íslands“ „Ég hef tapað vinum á því að eiga peninga“ Sonur Tinu Turner látinn Óraunverulegt að kaupa íbúð í miðborg London Krakkatían: Bannað að hlæja, Friðarsúlan og Iceguys Sat uppi með útgáfu af sjálfri sér sem hún kunni ekki við Ungir Sjálfstæðismenn samankomnir á sambandsþingi Fréttatía vikunnar: Play, fiskbúðingur og stjörnuskilnaður Gerður í Blush hennar helsta fyrirmynd Útbjó lágkolvetna prógram fyrir systur sína sem léttist strax og fékk meiri orku Flugfreyja, íþróttakona og ráðherra breyttu leiknum „Ákvað að skilja hana eftir þar og athuga hversu langt ég kæmist“ „Gætum orðið fyrsta þjóð í heimi til að útrýma leghálskrabbameini“ „Rétturinn sem fjölskyldan þín mun elska og biðja um aftur og aftur“ Keeping Up Appearances-leikkona látin Sjá meira