Lentu í vandræðum við að koma upp kosningamiðstöð í Síðumúla

Framboð Lísbetar Sigurðardóttur lenti í smá erfiðleikum í hálkunni í dag. Lísbet sækist eftir formennsku í Heimdalli, félags ungra Sjálfstæðismanna í Reykjavík, á aðalfundi félagsins þann 10. mars næstkomandi, og er í óða önn að koma upp kosningamiðstöð í Síðumúla.

Til verksins var fenginn flutningabíl til að flytja húsgögn að kosningamiðstöðinni en þegar aka átti bílnum upp að kosningamiðstöðinni rann hann til í hálku sem hafði myndast á rampinum í Síðumúla með eftirfarandi afleiðingum líkt og meðfylgjandi mynd sýnir.

„Við lentum bara í smávegis tjóni,“ segir Lísbet en fjölmargir hafa átt í vandræðum í færðinni í Reykjavík undanfarna daga.

Hún segir það hafa verið lítið vesen að losa bílinn úr þessum aðstæðum. „Það var ekkert vandamál, það þurfti bara smá lagni við þetta,“ segir Lísbet.

Í fjögur ár hefur hún verið í starfi ungra Sjálfstæðismanna í Reykjavík og stundar lögfræðinám þessa stundina við Háskóla Íslands. Guðmundur Oddur Eiríksson, viðskiptafræðinemi við Háskólann í Reykjavík, sækist eftir því að verða varaformaður Heimdallar.

Á móti þeim hafa einnig boðið sig fram Friðrik Þór Gunnarsson, sem vill verða formaður, og Elísabet Inga Sigurðardóttir, sem sækist eftir því að verða varaformaður.

Friðrik Þór er nemi í hagfræði en Elísabet Inga stundar laganám.

7.000 manns eru skráð í Heimdall en kosningaþátttaka er á bilinu 600 til 700 manns.

Auk þeirra sem bjóða sig fram í stöðu formanns og varaformanns eru eftirfarandi í framboði til stjórnar Heimdallar:

• Aron Freyr Lárusson, viðskiptafræðingur hjá Vodafone, nemi í verðbréfamiðlun og dyravörður.
• Einar Karl Jónsson, leikari við Borgarleikhúsið og nemi við Verzlunarskóla Íslands.
• Jafet Máni Magnúsarson, leikari og ritari skólafélags Menntaskólans við Sund.
• Jónína Sigurðardóttir, nemi í uppeldis- og menntunarfræðum við Háskóla Íslands og formaður sviðsráðs menntavísindasviðs Stúdentaráðs Háskóla Íslands.
• Kristín Lilja Sigurðardóttir, fyrirsæta og formaður femínistafélags skólafélags Menntaskólans við Sund.
• Lilja Hrund Ava Lúðvíksdóttir, nemi við Verzlunarskóla Íslands og meðlimur í ritstjórn Verzlunarskólablaðsins.
• Oddur Þórðarson, nemi við Menntaskólann í Reykjavík og starfsmaður Hagstofu Íslands.
• Steinar Ingi Kolbeins, nemi og Ármaður skólafélags Menntaskólans við Sund og sjónvarpsfréttaritari Nútímans.
• Vaka Vigfúsdóttir, dansari og nemi í sálfræði við Háskólann í Reykjavík.
• Þorsteinn Friðrik Halldórsson, nemi í hagfræði við Háskóla Íslands, blaðamaður og ritstjóri Hjálma, tímarits hagfræðinema.
• Andrea Björnsdóttir, viðskiptafræðinemi við Háskólann í Reykjavík,
• Andri Ingason, viðskiptafræðinemi við Háskólann í Reykjavík og gjaldkeri Markaðsráðs félags viðskiptafræðinema í HR,
• Anna Bryndís Zingsheim, nemandi við Verzlunarskóla Íslands,
• Anney Ýr Geirsdóttir, lyfjafræðinemi við Háskóla Íslands,
• Anton Andri Guðmundsson, hagfræðinemi við Háskólann í Reykjavík,
• Anton Reynir Hafdísarson, viðskiptafræðinemi við Háskólann í Reykjavík,
• Ólafur Freyr Ólafsson, viðskiptafræðinemi við Háskólann í Reykjavík,
• Helena Guðmundsdóttir, nemandi við Verzlunarskóla Íslands,
• Ólafur Hrafn Kjartansson, nemandi við Verzlunarskóla Íslands
• Úlfur Þór Andrason, laganemi við Háskóla Íslands.