Erlent

Egyptar loka lofthelginni fyrir flugvélum frá Katar

Atli Ísleifsson skrifar
Katörskum ríkisborgurum í Barein, Sádí Arabíu og Sameinuðu arabísku furstadæmunum hefur einnig verið gefinn tveggja vikna frestur til að koma sér úr landi.
Katörskum ríkisborgurum í Barein, Sádí Arabíu og Sameinuðu arabísku furstadæmunum hefur einnig verið gefinn tveggja vikna frestur til að koma sér úr landi. Vísir/AFP
Egyptar hafa lokað lofthelgi sinni fyrir flugvélum frá Katar og búist er við því að Sádí Arabar og Barein geri slíkt hið sama í dag.

Þessi lönd og fleiri hafa slitið á öll samskipti við smáríkið við Persaflóa sem þau saka um að vera stuðningsríki við hryðjuverkahópa.

Katörskum ríkisborgurum í Barein, Sádí Arabíu og Sameinuðu arabísku furstadæmunum hefur einnig verið gefinn tveggja vikna frestur til að koma sér úr landi.

Katarar neita hinsvegar ásökununum og kallar utanríkisráðherra landsins, Mohammed Bin Abdulrahman al-Thani, eftir viðræðum við nágrannaríkin.


Tengdar fréttir

Samstarfsslitin skilja Katar eftir einangrað

Óvissa ríkir á Arabíuskaganum eftir að fjöldi ríkja sleit stjórnmála- og viðskiptasambandi við Katar í gær. Yfirvöld segja vegið að sjálfstæði landsins en halda því fram að aðgerðirnar komi ekki til með að hafa nein áhrif á daglegt líf borgaranna.

Mest lesið


Fleiri fréttir

Sjá meira


×

Mest lesið