Nýársspá Siggu Kling – Fiskur: Einlægnin gerir þig einstakan

4. janúar 2016 09:28

Elsku fallegi fiskurinn minn. Þú átt að vera ánægður með það að vera tilfinningaríkur og að búa yfir allri þessari einlægni sem gerir þig svo einstakan.

Þú átt eftir að hressa allvel upp á sjálfan þig í þessum mánuði og koma þér á óvart í mörgu. Til dæmis með fatavali, ferskum hugmyndum í sambandi við útlit og hvað það er sem þig langar til að gera.

Vorið er þinn tími og núna fer strax af stað undirbúningur fyrir það í huga þér. En ekkert vera að geysast á undan þér með hugann því þú elskar líka kerti, rökkrið og að hafa það kósí allt árið.

Þetta ár verður svo litríkt að regnboginn sjálfur getur ekki keppt við litina í lífi þínu! Þú tekur hlutunum með svo miklu æðruleysi þó að það sé ekki hægt að segja að það sé þín sterkasta hlið því að hin skemmtilega hvatvísi þín kemur þér oft í aðstæður sem þér líkar ekki og þannig á þetta að vera. Ekki reyna að stjórna hvatvísinni og gera þig að flötum persónuleika, þá verður allt svo leiðinlegt og það viltu ekki.

Þér finnst þú búinn að vera að vaða eld og brennistein í mörgu undanfarið hálft ár. Þetta er búið að skerpa karakterinn þinn og gefa þér tækifæri til þess að kynnast þér betur. Þú ert sterkari en allt þegar á reynir!

Heilsan verður í góðu lagi ef þú sleppir stressinu. Þú þarft ekki að gera allt sem þú ert beðinn um, elsku fiskurinn minn. Nei er orðið sem þú þarft að nota meira á þessu ári og það er gott að byrja að æfa sig núna.

Ástin byggist á friði og sérstaklega næstu mánuði svo farðu fallega í ástarmálin, þá gengur allt vel.

Gleðilegt nýtt ár! Þín, Sigga Kling

Frægir fiskar: Elísabet Ásberg listamaður, Diana Omel listamaður, Beggi hans Pacasar, Baltasar Kormákur leikstjóri, Díana Ómel fjöllistakona, Árni Johnsen, fyrrverandi þingmaður, Albert Einstein, Sigmundur Davíð Gunnlaugsson forsætisráðherra, Vigdís Hauksdóttir þingkona, Ilmur Kristjánsdóttir leikkona, Svavar Örn engill, Páll Óskar poppstjarna.

Stjörnuspá Siggu Kling

Mest lesið

Fleiri fréttir

Mest lesið

Fleiri fréttir

Mest lesið

Tarot dagsins