Maður skotinn fyrir utan Hvíta húsið

Útsendarar Leyniþjónustu Bandaríkjanna skutu mann sem gekk að öryggishliði nærri Hvíta húsinu í Washington. Maður er sagður hafa neitað að leggja frá sér vopnið og var hann skotinn í skrokkinn og fluttur á sjúkrahús. Öryggisgæsla við Hvíta húsið var aukin verulega um tíma en búið er að draga aukið viðbúnaðarstig til baka.

Talsmaður lögreglunnar segir manninn í alvarlegu ástandi.

Barack Obama, forseti, er ekki staddur í Hvíta húsinu. Joe Biden, varaforseti Bandaríkjanna, er hins vegar á svæðinu, en öryggi hans hefur verið tryggt. Engan annan sakaði.

The Secret Service is confirming a police involved shooting near the @WhiteHouse complex. All Secret Service protectees are safe.

— U.S. Secret Service (@SecretService) May 20, 2016

Shooting on W. Executive Dr. PIO en route to 17th and Pennsylvania

— USPPNEWS (@usparkpolicepio) May 20, 2016