Tryggvi: Ég drekk alvarlega mikið af mjólk

Einn efnilegasti körfuboltamaður landsins, Tryggvi Hlinason, æfir nú með A-landsliðinu í körfubolta en uppgangur þessa unga manns hefur verið magnaður.

Tryggvi hefur aðeins æft körfubolta í um þrjú ár en hefur á þeim tíma náð ótrúlegum tökum á íþróttinni.

„Það er geggjað gaman að spila með þessum köllum og mikið sem maður getur lært af þeim. Þeir eru magnaðir og duglegir að kenna mér. Ég er eftir á í mörgu enda búinn að spila körfubolta í stuttan tíma,“ segir Tryggvi.

Hann er sveitastrákur. Nánar tiltekið frá Svartárkoti í Bárðardal og þar er stutt í sveitamjólkina. Beint frá býli.

„Ég drekk alvarlega mikið af mjólk,“ segir Tryggvi en hann er 216 sentimetrar að hæð.

Hlusta má á viðtal Guðjóns Guðmundssonar við Tryggva hér að ofan.