Einn fékk tæpar 36 milljónir í Lottó

Ljónheppinn lottóspilari vann sér inn 35,7 milljónir króna þegar hann var einn með allar tölur réttar í Lottói-kvöldsins. Miðinn var seldur í Skýlinu, Friðarhöfn í Vestmannaeyjum.

Tveir voru með bónustöluna rétta og fá í staðinn 235 þúsund krónur á mann en miðarnir tveir voru keyptir í Olís á Höfn í Hornafirði og Samkaup-Strax, Flúðum.

Sex voru með fjóra rétta og fá 100 þúsund krónur á mann en þeir miðar voru keyptir í Vídeómarkaðinum í Kópavogi, Hagkaupum á Akureyri, Olís á Siglufirði, einn var í áskrift og voru tveir keyptir á lotto.is.