Allt sem er raunhæft verið reynt Þorbjörn Þórðarson skrifar 1. desember 2016 18:41 Miðju- og vinstriflokkarnir fimm freista þess aftur að mynda ríkisstjórn. Á þeim þrjátíu og þremur dögum sem liðnir eru frá alþingiskosningum hafa nær allir raunhæfir valkostir við stjórnarmyndun verið reyndir. Í dag slitnaði upp úr óformlegum viðræðum Sjálfstæðisflokks og Vinstri grænna meðal annars vegna ágreinings um skattamál. „Í einföldu máli þá var bara of langt á milli flokkanna. Þetta hefði kostað talsverðar málamiðlanir. Þetta eru líka flokkar sem hafa lengi eldað grátt silfur. Engu að síður þrátt fyrir að þetta hafi legið fyrir þá var mjög mikilvægt fyrir þessa tvo flokka að setjast yfir þessi mál og ræða þau við þær aðstæður sem hafa verið uppi. Við vorum endanlega sammála um það í dag að það var ekki grundvöllur til að halda samtalinu áfram,“ segir Bjarni Benediktsson formaður Sjálfstæðisflokksins um ástæður þess að það slitnaði upp úr þessum viðræðum. Nauðsynlegt að kanna grundvöll þjóðstjórnar „Hvað gerist á þessu augnabliki, það er áframhaldandi óvissa um hvað gerist. Ég hef sagt að allir flokkar þurfi að fara að velta því fyrir sér hversu langt þeir eru tilbúnir að ganga til að slá af kröfum. Hvort það sé jafnvel orðinn grundvöllur fyrir því að fara í einhvers konar þjóðstjórn ef ekki næst að mynda hefðbunda meirihlutastjórn um tilteknar hugmyndafræðilegar áherslur,“ segir Katrín Jakobsdóttir formaður Vinstri grænna. Þegar talað er um þjóðstjórn er vísað til ríkisstjórnar sem er mynduð af öllum eða velflestum þeirra flokka sem eiga kjörna fulltrúa á Alþingi. Það hefur einu sinni gerst hér á landi, hinn 17. apríl 1939 þegar mynduð var þjóðstjórn undir forsæti Hermanns Jónassonar. Ríkisstjórnin var mynduð með þátttöku Sjálfstæðisflokks, Framsóknarflokks og Alþýðuflokks og naut stuðnings Bændaflokksins. Ástæðan var yfirvofandi styrjöld í Evrópu en ríkisstjórnin starfaði til 1942.Sigurður Ingi Jóhannsson, forsætisráðherra og formaður Framsóknarflokksins. Vísir/ErnirSigurður Ingi Jóhannsson forsætisráðherra hefur fylgst með á hliðarlínunni síðustu daga og einbeitt sér að verkefnum í forsætisráðuneytinu. Þing hefur verið boðað 6. desember og er stefnt að því að ljúka samþykkt fjárlagafrumvarps fyrir jól. „Það er skilgreiningaratriði hvað er stjórnarkreppa en það tekur greinilega mjög langan tíma að mynda meirihlutastjórn. Það er rétt sem þú segir, það er búið að mynda hægristjórn, það er búið að mynda vinstristjórn, það er búið að reyna að ná vinstrinu og hægrinu saman. Þá er kannski spurning hvað er eftir,“ segir Sigurður Ingi.Staðan er flókin. Það slitnaði upp úr óformlegum viðræðum Sjálfstæðisflokks og VG. Sjálfstæðisflokkur vill ekki vinna með Pírötum. Viðreisn vill ekki vinna með núverandi ríkisstjórnarflokkum og Píratar ekki heldur.Myndvinnsla/Garðar„Það má spyrja sig hvort við séum farin að nálgast það (þjóðstjórn). Fimm flokkar af sjö hafa talað saman. Langflestir flokkar hafa í einhverri mynd talað við einhvern. Þannig að það er alveg augljóst að við þurfum að vera meira skapandi við þetta,“ segir Óttarr Proppé formaður Bjartrar framtíðar. Síðustu daga meðan Vinstri græn og Sjálfstæðisflokkur funduðu áttu sér stað samtöl milli fulltrúa Bjartrar framtíðar, Viðreisnar, Samfylkingar og Pírata. Þessir flokkar vlija freista þess að taka upp þráðinn með VG og reyna aftur að mynda 5 flokka stjórn. „Tilgangurinn með þeim viðræðum var að reyna að átta sig hver hefði verið munurinn í meginmálum milli þessara fjögurra flokka. Við töldum að það hefði verið gott rúm til þess að ræða það meðan að VG og Sjálfstæðisflokkur voru að ræða það sín á milli,“ segir Benedikt Jóhannesson formaður Viðreisnar.Þarf ekki bara að mynda þjóðstjórn?„Það er von að spurt sé. Auðvitað verðum við að átta okkur á því að það verður að vera einhver ríkisstjórn í þessu landi.“ Smári McCarthy þingmaður Pírata segist vona til þess að flokkarnir fimm geti myndað stjórn en segir að þjóðstjórn sé einn af möguleikunum sem séu fyrir hendi. Kosningar 2016 Mest lesið „Tjónið af þessum slóðaskap hleypur á fleiri milljörðum“ Innlent Beinagrindur og ástarsorg á Bessastöðum Innlent Ferðamannastaðir Færeyja lokaðir vegna viðhalds Erlent Faðir mannsins sem lést á Litla-Hrauni krefst umbóta Innlent Tillagan „langt frá“ grundvallarkröfum Ísraela Erlent Alþjóðanemar neyðist til að vinna svart á Íslandi Innlent Bein útsending: Starliner ber geimfara til geimstöðvarinnar Erlent Kveðst ekki svindla á neinum með happdrætti sínu Innlent Sanngirnisbótafrumvarpið sé blekking Innlent Forsetavaktin 2024: Hver verður sjöundi forseti lýðveldisins? Innlent Fleiri fréttir Beinagrindur og ástarsorg á Bessastöðum Alþjóðanemar neyðist til að vinna svart á Íslandi „Tjónið af þessum slóðaskap hleypur á fleiri milljörðum“ Stóra stundin að renna upp: Bjartsýn en með báða fætur á jörðinni Sanngirnisbótafrumvarpið sé blekking Faðir mannsins sem lést á Litla-Hrauni krefst umbóta Kveikt í papparusli í Glæsibæ Flugfélögin grípa til ráðstafana vegna verkfallsaðgerða Skjálfti fannst vel á höfuðborgarsvæðinu Ákall frá föður látins fanga og beinagrindur á Bessastöðum Kveðst ekki svindla á neinum með happdrætti sínu Örlætisgjörningur ríkislögreglustjóra til tals á þinginu Brynjar hefur ekki orðið var við neina skrímsladeild í Valhöll Framkvæmdir muni ekki hafa marktæk áhrif á daglega starfsemi Segja varkárni ávallt hafa verið Haraldi efst í huga Bjóða farþegum að breyta ferðum vegna mögulegs verkfalls Grunaður um að valda konunni áverkum sem leiddu hana til dauða Byrja að sekta vegna nagladekkja þrettánda maí Ósáttur með tal eftirlitsmannsins í kaupfélaginu en sektin stendur Nefndin aldrei heyrt aðrar eins frásagnir en lítið að gerast Á vesturleiðinni en ekki á hundrað og tíu Hægagangur í viðræðum við flugvallarstarfsmenn og styttist í aðgerðir Sanngirnisbætur, kjaraviðræður og andlát á Litla-Hrauni Hafi mögulega reynt að lenda á ísilögðu vatninu Sækjast eftir frekara gæsluvarðhaldi vegna andlátsins við Kjarnagötu Tjá sig ekkert um gang Hamraborgarrannsóknarinnar Hindraði mann sem ætlaði að komast úr bíl við Bónusbúð Segir viðmælendur sitja undir hótunum netaktívista Glórulausar framkvæmdir raski velferð íbúa hjúkrunarheimilis Fannst látinn í klefa sínum á Litla Hrauni Sjá meira
Miðju- og vinstriflokkarnir fimm freista þess aftur að mynda ríkisstjórn. Á þeim þrjátíu og þremur dögum sem liðnir eru frá alþingiskosningum hafa nær allir raunhæfir valkostir við stjórnarmyndun verið reyndir. Í dag slitnaði upp úr óformlegum viðræðum Sjálfstæðisflokks og Vinstri grænna meðal annars vegna ágreinings um skattamál. „Í einföldu máli þá var bara of langt á milli flokkanna. Þetta hefði kostað talsverðar málamiðlanir. Þetta eru líka flokkar sem hafa lengi eldað grátt silfur. Engu að síður þrátt fyrir að þetta hafi legið fyrir þá var mjög mikilvægt fyrir þessa tvo flokka að setjast yfir þessi mál og ræða þau við þær aðstæður sem hafa verið uppi. Við vorum endanlega sammála um það í dag að það var ekki grundvöllur til að halda samtalinu áfram,“ segir Bjarni Benediktsson formaður Sjálfstæðisflokksins um ástæður þess að það slitnaði upp úr þessum viðræðum. Nauðsynlegt að kanna grundvöll þjóðstjórnar „Hvað gerist á þessu augnabliki, það er áframhaldandi óvissa um hvað gerist. Ég hef sagt að allir flokkar þurfi að fara að velta því fyrir sér hversu langt þeir eru tilbúnir að ganga til að slá af kröfum. Hvort það sé jafnvel orðinn grundvöllur fyrir því að fara í einhvers konar þjóðstjórn ef ekki næst að mynda hefðbunda meirihlutastjórn um tilteknar hugmyndafræðilegar áherslur,“ segir Katrín Jakobsdóttir formaður Vinstri grænna. Þegar talað er um þjóðstjórn er vísað til ríkisstjórnar sem er mynduð af öllum eða velflestum þeirra flokka sem eiga kjörna fulltrúa á Alþingi. Það hefur einu sinni gerst hér á landi, hinn 17. apríl 1939 þegar mynduð var þjóðstjórn undir forsæti Hermanns Jónassonar. Ríkisstjórnin var mynduð með þátttöku Sjálfstæðisflokks, Framsóknarflokks og Alþýðuflokks og naut stuðnings Bændaflokksins. Ástæðan var yfirvofandi styrjöld í Evrópu en ríkisstjórnin starfaði til 1942.Sigurður Ingi Jóhannsson, forsætisráðherra og formaður Framsóknarflokksins. Vísir/ErnirSigurður Ingi Jóhannsson forsætisráðherra hefur fylgst með á hliðarlínunni síðustu daga og einbeitt sér að verkefnum í forsætisráðuneytinu. Þing hefur verið boðað 6. desember og er stefnt að því að ljúka samþykkt fjárlagafrumvarps fyrir jól. „Það er skilgreiningaratriði hvað er stjórnarkreppa en það tekur greinilega mjög langan tíma að mynda meirihlutastjórn. Það er rétt sem þú segir, það er búið að mynda hægristjórn, það er búið að mynda vinstristjórn, það er búið að reyna að ná vinstrinu og hægrinu saman. Þá er kannski spurning hvað er eftir,“ segir Sigurður Ingi.Staðan er flókin. Það slitnaði upp úr óformlegum viðræðum Sjálfstæðisflokks og VG. Sjálfstæðisflokkur vill ekki vinna með Pírötum. Viðreisn vill ekki vinna með núverandi ríkisstjórnarflokkum og Píratar ekki heldur.Myndvinnsla/Garðar„Það má spyrja sig hvort við séum farin að nálgast það (þjóðstjórn). Fimm flokkar af sjö hafa talað saman. Langflestir flokkar hafa í einhverri mynd talað við einhvern. Þannig að það er alveg augljóst að við þurfum að vera meira skapandi við þetta,“ segir Óttarr Proppé formaður Bjartrar framtíðar. Síðustu daga meðan Vinstri græn og Sjálfstæðisflokkur funduðu áttu sér stað samtöl milli fulltrúa Bjartrar framtíðar, Viðreisnar, Samfylkingar og Pírata. Þessir flokkar vlija freista þess að taka upp þráðinn með VG og reyna aftur að mynda 5 flokka stjórn. „Tilgangurinn með þeim viðræðum var að reyna að átta sig hver hefði verið munurinn í meginmálum milli þessara fjögurra flokka. Við töldum að það hefði verið gott rúm til þess að ræða það meðan að VG og Sjálfstæðisflokkur voru að ræða það sín á milli,“ segir Benedikt Jóhannesson formaður Viðreisnar.Þarf ekki bara að mynda þjóðstjórn?„Það er von að spurt sé. Auðvitað verðum við að átta okkur á því að það verður að vera einhver ríkisstjórn í þessu landi.“ Smári McCarthy þingmaður Pírata segist vona til þess að flokkarnir fimm geti myndað stjórn en segir að þjóðstjórn sé einn af möguleikunum sem séu fyrir hendi.
Kosningar 2016 Mest lesið „Tjónið af þessum slóðaskap hleypur á fleiri milljörðum“ Innlent Beinagrindur og ástarsorg á Bessastöðum Innlent Ferðamannastaðir Færeyja lokaðir vegna viðhalds Erlent Faðir mannsins sem lést á Litla-Hrauni krefst umbóta Innlent Tillagan „langt frá“ grundvallarkröfum Ísraela Erlent Alþjóðanemar neyðist til að vinna svart á Íslandi Innlent Bein útsending: Starliner ber geimfara til geimstöðvarinnar Erlent Kveðst ekki svindla á neinum með happdrætti sínu Innlent Sanngirnisbótafrumvarpið sé blekking Innlent Forsetavaktin 2024: Hver verður sjöundi forseti lýðveldisins? Innlent Fleiri fréttir Beinagrindur og ástarsorg á Bessastöðum Alþjóðanemar neyðist til að vinna svart á Íslandi „Tjónið af þessum slóðaskap hleypur á fleiri milljörðum“ Stóra stundin að renna upp: Bjartsýn en með báða fætur á jörðinni Sanngirnisbótafrumvarpið sé blekking Faðir mannsins sem lést á Litla-Hrauni krefst umbóta Kveikt í papparusli í Glæsibæ Flugfélögin grípa til ráðstafana vegna verkfallsaðgerða Skjálfti fannst vel á höfuðborgarsvæðinu Ákall frá föður látins fanga og beinagrindur á Bessastöðum Kveðst ekki svindla á neinum með happdrætti sínu Örlætisgjörningur ríkislögreglustjóra til tals á þinginu Brynjar hefur ekki orðið var við neina skrímsladeild í Valhöll Framkvæmdir muni ekki hafa marktæk áhrif á daglega starfsemi Segja varkárni ávallt hafa verið Haraldi efst í huga Bjóða farþegum að breyta ferðum vegna mögulegs verkfalls Grunaður um að valda konunni áverkum sem leiddu hana til dauða Byrja að sekta vegna nagladekkja þrettánda maí Ósáttur með tal eftirlitsmannsins í kaupfélaginu en sektin stendur Nefndin aldrei heyrt aðrar eins frásagnir en lítið að gerast Á vesturleiðinni en ekki á hundrað og tíu Hægagangur í viðræðum við flugvallarstarfsmenn og styttist í aðgerðir Sanngirnisbætur, kjaraviðræður og andlát á Litla-Hrauni Hafi mögulega reynt að lenda á ísilögðu vatninu Sækjast eftir frekara gæsluvarðhaldi vegna andlátsins við Kjarnagötu Tjá sig ekkert um gang Hamraborgarrannsóknarinnar Hindraði mann sem ætlaði að komast úr bíl við Bónusbúð Segir viðmælendur sitja undir hótunum netaktívista Glórulausar framkvæmdir raski velferð íbúa hjúkrunarheimilis Fannst látinn í klefa sínum á Litla Hrauni Sjá meira