Ís­land Got Talent: Til­finninga­þrungnasti flutningur kvöldsins

Söngkonan Ýr Guðjohnsen, fimmtán ára, réð ekki við tilfinningarnar sem brutust fram þegar hún söng fyrir dómnefnd Ísland got talent í þætti kvöldsins.

Ýr steig á stokk með lag í farteskinu sem hún sagði að stæði sér nærri. Það fjalli um erfiðleika sem hún þekkir af eigin raun. „Mig langar svo að koma sögu minni á framfæri og að það sé hægt að komast í gegnum erfiðleika. Að lífið sé ekki bara búið,“ sagði Ýr áður en hún gekk á svið.

Ágústa Eva hreifst þó ekki af lagavalinu, sem hún sagði full hlutlaust, og bað Ýr um að syngja annað lag.

Ýr varð við bóninni og hóf raust sína. Við tók tilfinningaþrungnasti flutningur kvöldsins.

Frammistöðu Ýrar má sjá hér að ofan. Sjón, og heyrn, er sögu ríkari.