Glowie æf af reiði: „Komið er fram við mann eins og maður sé einhver kynlífshlutur“

„Þetta gerir mig brjálaða!! Ég er ekki lengur hrædd við það að koma því fram að ég var misnotuð,“ segir Sara Pétursdóttir, betur þekkt sem Glowie, í Facebook-færslu og deilir hún myndbandi sem hefur farið mikinn á YouTube þar sem farið er yfir hvernig samfélagið hlutgerir konur.

„Ég veit hvernig það er þegar komið er fram við mann eins og maður sé einhver kynlífshlutur, það er viðbjóður! Ég lærði það að það þarf ekki bara nauðgun til að misnota og gjörsamlega eyðileggja sálina í manni með því,“ segir Sara.

Hún segir að sér líði oft skelfilega.

„Þessi tilfinning er hræðileg! og hún mun sitja í manni alla ævina. Hér ætla ég að reyna að lýsa þessari tilfinningu í nokkrum orðum: Svart, þungt, óglatt, dofin, grátur, óörugg, pínu eins og að vera barinn mjög fast í sálina.“

Sara segir að konur séu mannlegar með sál og hjarta.

„Við erum ekki „fullkomnar“, við grátum, við hlægjum, við erum með allskonar líkama, við fáum bólur, ör, bauga, fílapensla. Ekki líkja okkur við einhverjar klám stjörnur! því þær eru FAKE!!!!“

Sjá einnig: Sjáðu magnaðan flutning frá Glowie í Ísland Got Talent

Glowie  skaust fram á sjónarsviðið síðasta sumar og þá aðeins 18 ára gömul en lagið No More naut gríðarlegra vinsældra þá. Hún hefur mikið unnið með StopWaitGo og Stony.

Sara bar sigur úr býtum í Söngkeppni framhaldsskólanna árið 2014 en hún keppti fyrir hönd Tækniskólans. Lagið sem hún flutti var To make you feel my love eftir Bob Dylan.

Á sunnudagskvöldið frumflutti hún nýtt lag í Ísland Got Talent og má sjá flutninginn hér að neðan sem og umrætt YouTube-myndband.

Þetta gerir mig brjálaða!! Ég er ekki lengur hrædd við það að koma því fram að ég var misnotuð og ég veit hvernig það er...

Posted by Glowie on 15. mars 2016

Flutningur Glowie