Bein útsending: Guðni Th. mætir á Sprengisand

Páll Magnússon verður með þátt sinn Sprengisand á Bylgjunni venju samkvæmt á sunnudegi. Þátturinn hefst klukkan tíu en meðal gesta verður nýkjörinn forseti Íslands, Guðni Th. Jóhannesson.

Forsetakjörið verður þó ekki hið eina sem verður til umræðu heldur mætir Eiríkur Bergmann, stjórnmálafræðiprófessor, og talar um Brexit og áhrif þess.

Þá kemur Einar Gylfi Jónsson, íþróttasálfræðingur, og ræðir um hvaða kraftar eru að baki þegar íþróttalið sýnir meiri getu heldur en þversumma einstaklinga ætti að bjóða. Að endingu koma Gunnar Smári Egilsson, ritstjóri, og Heiðrún Lind Marteinsdóttir, lögmaður, og fara yfir fréttir liðinnar viku.

Fari svo að spilarinn hér fyrir neðan verði með vesen þá er hægt að hlusta á beina útsendingu Bylgjunnar hér.