Katrín fékk umboð til formlegra viðræðna

Í morgun samþykkti þingflokkur Vinstri grænna að veita formanni sínum, Katrínu Jakobsdóttur umboð til þess að hefja formlegar stjórnarmyndunarviðræður við Pírata, Viðreisn, Bjarta framtíð og Samfylkinguna. Katrín greinir frá þessu á Facebook síðu sinni.

Katrin sagðist hafa átt góðan fund með forystufólki flokkanna í framhaldinu. Á fundinum hafi verið ákveðið að fresta ákvörðun um formlegar stjórnarmyndunarviðræður til seinni parts á morgun.

Vinstri grænir myndu sem fyrr leggja áherslu á umbætur í heilbrigðismálum, menntamálum, velferðarmálum og uppbyggingu innviða sem fjármagna ætti með arði af auðlindum og réttlátu skattkerfi þar sem auðugustu hópar samfélagsins leggi meira af mörkum en aðrir.