Formúla 1

Rosberg heimsmeistari | Hamilton vann keppnina

Kristinn Ásgeir Gylfason skrifar
Nico Rosberg, nýr heimsmeistari í Formúlu 1.
Nico Rosberg, nýr heimsmeistari í Formúlu 1. Vísir/Getty

Nico Rosberg á Mercedes tryggði sér heimsmeistaratitil ökumanna með því að koma annar í mark í stórskemmtilegri keppni. Lewis Hamilton varð annar á Mercedes og Sebastian Vettel varð þriðji á Ferrari.

Hamilton gerði allt hvað hann gat til að bakka Rosberg niður í vandræði til að koma bílum á milli þeirra en allt kom fyrir ekki.

Ræsingin gekk vel hjá Mercedes mönnum. Aðra sögu var að segja af Red Bull mönnum. Daniel Ricciardo missti Kimi Raikkonen fram úr sér. Max Verstappen snérist á milli fyrstu og annarrar beygju í kjölfar ræsingarinnar og varð síðastur.

Báðir Mercedes menn þurftu að hinkra á þjónustusvæðinu eftir Ferrari ökumönnum sem komu aðvífandi.

Verstappen var svo kominn á milli Hamilton sem varð fremstur og Rosberg sem var þriðji eftir að Mercedes mennirnir höfðu tekið þjónustuhlé.

Rosberg fékk þau skilaboð að hann þryfti að taka fram úr Verstappen. Hann gerði það svo með glans eftir smá dans þeirra á milli. Eftir það óku Mercedes menn frekar rólega keppni fremst, um tíma að minnsta kosti.

Verstappen ók gríðarlega vel og sótti tíma á Rosberg og Hamilton eftir þjónustuhlé sitt. Verstappen þvingaði með þessu Hamilton og Rosberg til að taka þjónustuhlé. Mercedes brást við og tókst að halda fyrsta og öðru sæti, þrátt fyrir góða tilraun Verstappen.

Vettel og Verstappen voru ekki langt frá því að ahfa áhrif á titilbaráttuna. Vísir/Getty

Bilið á milli fremstu manna minnkaði töluvert um miðbik keppninnar og hélst á milli einnar og tveggja sekúndna.

Mercedes liðið var stressað að Vettel væri að sækja óhugnalega hratt og bað Hamilton að auka hraðann. Hann fékk meira að segja skilaboð um að aka á 1:45,1 hvern hring. Hamilton svaraði: „Leyfið okkur bara að keppa.“

Verstappen kom fljúgandi að á 49. hring og Rosberg kom sér nær Hamilton. Vettel kom svo líka aftan að Verstappen og gerði sig líklegan til að taka fram úr. Á meðan nálguðust Verstappen og Vettel saman Mercedes menn.

Hamilton var að stjórna ferðinni þegar fimm hringir voru eftir. Hann gerði allt sem hann var búinn að segja að hann myndi ekki gera. En allt kom fyrir ekki og Rosberg sigldi titlinum heim sem verðugur heimsmeistari eftir baráttu um annað sætið.

Hér að neðan má sjá öll helstu úrslit helgarinnar á gagnvirku brautarkorti.


Tengdar fréttir

Sjáðu magnað myndband um baráttu Rosbergs og Hamiltons

Félagarnir hjá Mercedes, þeir Nico Rosberg og Lewis Hamilton, berjast nú um titil ökumanna í Formúlu 1 en síðasta mót ársins hófst í Abu Dabi nú klukkan 13:00 og er í beinni útsendingu á Stöð 2 Sport 2 HD.

Lewis Hamilton á ráspól í Abú Dabí

Lewis Hamilton á Mercedes var fljótastur í tímatökunni í Abú Dabí. Liðsfélagi hans, Nico Rosberg varð annar og Daniel Ricciardo á Red Bull varð þriðji.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.