Leikur Möltu og Íslands sýndur á Stöð 2 Sport

Viðureign Möltu og Íslands á Ta'Qali leikvanginum í Attard á Möltu verður sýndur í beinni útsendingu á Stöð 2 Sport.

Þetta verður sautjándi og síðasti landsleikurinn á viðburðarríku ári íslenska karlalandsliðsins sem er nú að undirbúa sig fyrir mikilvægan leik gegn Króatíu á laugardaginn í undankeppni HM 2018.

365 og Stöð 2 Sport hafa einnig tryggt sér sýningarréttinn að vináttulandsleikjum Íslands á næsta ári. Ísland mætir Mexíkó þann 8. febrúar og leikur svo gegn Írum 28. mars.

Leikur Íslands og Möltu hefst klukkan 18.00 á þriðjudag.