Innlent

Reynsluboltar úr röðum Framsóknar og Samfylkingar að kveðja

Kolbeinn Tumi Daðason skrifar
Árni Páll Árnason beið lægri hlut í formannsslagnum gegn Oddnýju Harðardóttur og nú stefnir í að hann hverfi af Alþingi.
Árni Páll Árnason beið lægri hlut í formannsslagnum gegn Oddnýju Harðardóttur og nú stefnir í að hann hverfi af Alþingi. Vísir/Anton Brink
Árni Páll Árnason, Helgi Hjörvar og Össur Skarphéðinsson eru á meðal þingmanna sem hverfa af þingi fari sem horfir þegar klukkan er um þrjú og rúmlega fjörutíu prósent atkvæða hafa verið talin í alþingiskosningum.

Framsóknarflokkurinn fær aðeins átta þingmenn og Samfylkingin verður annar af tveimur minnstu flokkunum á Alþingi, með fjóra þingmenn.

 Samfylkingin fær engan þingmann kjörinn í Suðvesturkjördæmi og sömuleiðis ekki í Reykjavíkurkjördæmi Suður. Árni Páll og Össur leiða viðkomandi lista en Helgi Hjörvar er í öðru sæti í Reykjavík Norður þar sem Sigríður Ingibjörg Ingadóttir leiðir listann.

 Í Suðvesturkjördæmi er Eygló Harðardóttir inni en Willum Þór Þórsson í öðru sæti og stefnir því allt í að hann verði áfram þjálfari KR í efstu deild karla í knattspyrnu. Beðið hefur verið eftir niðurstöðu kosninga í Vesturbænum til að hægt sé að taka ákvörðun um hvort Willum þjálfi liðið áfram, sem allt stefnir í.

 Karl Garðarsson, efsti maður á lista Framsóknar í Reykjavík Norður, nær ekki inn á þing eins og staðan er nú, um þrjúleytið þegar rúmlega 42% atkvæða hafa verið talin.

Kosningar 2016

Mest lesið


Fleiri fréttir

Sjá meira


×

Mest lesið