Innlent

Vaknaði með óboðinn gest á stofusófanum

Samúel Karl Ólason skrifar
Myndin er ekki af hinum þreytta ferðamanni.
Myndin er ekki af hinum þreytta ferðamanni. Vísir/Getty
Lögreglan á Suðurnesjum var kölluð til í morgun þegar íbúi kom að ókunnugum manni sofandi í sófa í stofu sinni. Íbúinn kannaðist ekkert við þennan óboðna næturgest.

Samkvæmt tilkynningu frá lögreglunni var „sá þreytti“ ferðamaður frá Kanada. Hann hafði verið að skemmta sér með félaga sínum í nótt og hefðu þeir endað í samkvæmi í heimahúsi.

Hann hafði þó ekki hugmynd um hvernig hann hefði endað í umræddum sófa. Lögreglan ók ferðamanninum til gististaðar síns, en hann var í svokölluðum camper með vini sínum.

Mest lesið


Fleiri fréttir

Sjá meira


×

Mest lesið