Forsetinn fagnaði sigri stelpnanna

Guðni Th. Jóhannesson, forseti Íslands, fagnaði ákaft í leik Íslands og Slóveníu á Laugardalsvellinum í kvöld.  Kvennalandslið Íslands í knattspyrnu vann stórsigur á Slóvenum, eða 4-0, en fyrr í dag varð það ljóst að Ísland væri öruggt með sæti sitt á EM í Hollandi.

Með sigrinum er liðið komið í úrslit þriðja skiptið í röð og hefur því enn og aftur sýnt það og sannað að íslenska liðið er eitt það besta í álfunni.

Anton Brink ljósmyndari Vísis og Fréttablaðsins var á Laugardalsvellinum í kvöld og náði meðfylgjandi mynd af Guðna Th. þakka íslenska liðinu fyrir.

Fagnaðarlæti Guðna voru reyndar svo mikil að þau vöktu athygli nærstaddra sem og þeirra sem fylgdust með leiknum í sjónvarpi, líkt og sjá má á meðfylgjandi tístum.

Guðni forseti að fagna og dansa með kvennalandsliðinu er eitt það krúttlegasta sem ég hef séð í íslensku sjónvarpi

— Hugrún Aðalsteinsd. (@hugrunadal) September 16, 2016

Guðni Th í fagnaðarlátunum: "Á ég að taka þetta all in....eða á ég kannski bara að fara?? Nei ok, verð bara vel vandræðalegur" #fotbolti

— Magnús Örn Helgason (@Magnus0rn) September 16, 2016

Æ Guðni, krúttaðu ekki yfir þig

— lára kettler (@laratheodora) September 16, 2016

Guðni Th er dúlla

— Arnaraugað (@gunnnnar) September 16, 2016

Stelpurnar okkar fara til Hollands og það leynir sér ekki að Guðni ætlar líka!

A photo posted by Fótbolti.net (@fotboltinet) on Sep 16, 2016 at 2:25pm PDT