Hægt að minnka skattsvik um tugi milljarða Gunnar Atli Gunnarsson skrifar 25. september 2016 19:00 Hægt væri að minnka skattsvik í íslensku samfélagi um tugi milljarða á hverju ári með tiltölulega einföldum aðgerðum. Þetta segir sviðsstjóri eftirlitssviðs hjá Ríkisskattstjóra. Sérstaklega þurfi að bregðast við mikilli fjölgun félaga hér á landi en 73 prósent þeirra skila engum tekjuskatti. Fyrir árið 2014 áætlaði ríkisskattstjóri að umfang skattsvika á Íslandi nemi rúmlega 80 milljörðum króna á ári. Aukin umsvif í hagkerfinu undanfarin misseri benda til þess að þessi tala sé nú á bilinu 90 til 100 milljarðar. Til samanburðar er rekstrarkostnaður Landspítalans, Háskóla Íslands og Vegagerðarinnar áætlaður á þessu ári tæpir 99 milljarðar.Mikil fjölgun félaga Eitt af því sem embætti ríkisskattstjóra hefur haft til skoðunar varðandi skattsvik hér á landi er mikil fjölgun tekjuskattskyldra félaga. Árið 1992 voru þau 9.568 en eru í dag 39.189. Sigurður Jensson, sviðsstjóri eftirlitssviðs hjá Ríkisskattstjóra, segir embættið ekki hafa getað sinnt þessari miklu fjölgun. Henni megi líkja við færiband í frystihúsi. „Fyrir þessum 20 árum síðan að þá streymdu hérna níu þúsund fiskar um færibandið. Núna eru þeir 39 þúsund en við erum enn þá með sömu hnífanna og sömu verkfærin. Þannig að þar af leiðir er eitthvað sem fellur fyrir borð sem ætti að sinna,“ segir Sigurður.73% félaga greiða engan tekjuskatt Fyrir árið 2014 skiluðu 27% skattskyldra félaga ekki skattframtali innan lögbundins frests. Þá greiddu rúmlega 73 prósent félaga engan tekjuskatt eða tæplega 29 þúsund félög. Sigurður segir hluta- og einkahlutafélög hugsuð utan um atvinnurekstur. Því sé óeðlilegt að stór hluti félaga greiði ekkert til samfélagsins. „Kannski höfum við bara kaffært kerfinu í einkahlutafélaga-væðingu og inn í einkahlutafélögin séu að fara hlutir sem kannski eiga ekkert að vera í rekstri og falla ekki undir atvinnurekstrar hugtakið. En í skjóli þess eru hugsanlega að stunda skattaundanskot,“ segir Sigurður.Meiri ábyrgð einstaklinga Við þessu vill Ríkisskattstjóri bregðast með því að gera ábyrgð einstaklinga sem standa að baki þessum félögum meiri. Verði misfellur í umgjörð félagsins þá fái þeir beinar sektir, ekki ósvipað bifreiðareiganda sem keyrir yfir á rauðu ljósi. „Ég myndi líka vilja sjá það að þegar það eiga sér stað endurákvarðanir hjá þessum aðilum að það sé ekki bara kennitala félagsins sem fær endurákvörðunina. Heldur sé sá einstaklingur sem stýrir félaginu, að hann beri ábyrgð og fái hluta af endurákvörðuninni persónulega,“ segir Sigurður.Hægt að ná tugum milljarða til baka Ríkisskattstjóri hefur skilað tillögum til iðnaðar- og viðskiptaráðherra um úrbætur en þeim hefur ekki verið svarað. Sigurður segir að með tiltölulega einföldum aðgerðum sé hægt að ná stórum hluta af þessum 90 til 100 milljörðum til baka. „Við þurfum, og það er kannski okkar verkefni, að finna misfellurnar og vinna þær niður. En það skiptir tugum milljarða sem hægt er að ná á hverju ári. Það er bara þannig. Með breyttum vinnuaðferðum,“ segir Sigurður. Mest lesið Endurnýja spá um lok umbrota við Grindavík Innlent „Eldgosið virðist í andarslitrunum“ Innlent Sú sem var oftast nefnd ekki ein af fjórum efstu í könnunum Innlent Tuga enn saknað og 55 látnir Erlent Forsetavaktin 2024: Hver verður sjöundi forseti lýðveldisins? Innlent „Skrímsladeildin“ hafi skorið upp herör gegn mótframbjóðendum Katrínar Innlent Sló til starfsmanns og beit viðskiptavin Innlent Verður borgarstjóri Lundúna þriðja kjörtímabilið í röð Erlent „Lífið heldur áfram eftir svona áfall“ Innlent Landsmenn ánægðir með frammistöðu Höllu Tómasdóttur í kappræðunum Innlent Fleiri fréttir „Eldgosið virðist í andarslitrunum“ Endurnýja spá um lok umbrota við Grindavík Öruggara Suðurland“ – nýtt og spennandi verkefni Sú sem var oftast nefnd ekki ein af fjórum efstu í könnunum Landsmenn ánægðir með frammistöðu Höllu Tómasdóttur í kappræðunum Sló til starfsmanns og beit viðskiptavin „Skrímsladeildin“ hafi skorið upp herör gegn mótframbjóðendum Katrínar Hefur ekki áhuga á slúðurfréttum af öðrum frambjóðendum Tólf tíma tökudagar og svo forsetaframboð Hvernig ætlar ríkið að sækja milljónirnar 360 sem Haraldur gaf? Flottustu Mustang bílarnir landsins til sýnis í dag Halla Hrund eigi langt í land með að tryggja sér embættið Rýnt í forsetakappræður og fylgst með Bakgarðshlaupi „Ég get ekki annað en sagt satt“ Ríflega fjörutíu prósent líst illa á Katrínu „Lífið heldur áfram eftir svona áfall“ Sigu niður í Gretti sterka og dældu úr honum sjó Ók á tvö hundruð með lögguna á hælunum Sólríkasta byrjun árs í Reykjavík í 77 ár Hafa rukkað þá sem valda sinubruna um kostnað við útkall Ótrúlegustu aðskotahlutir gera óskunda í dósatalningarvélum Fjöldi verkfallsboðana á Keflavíkurflugvelli áhyggjuefni Kosið um sameiningu Húna- og Skagabyggðar í júní Nýjustu skoðanakannanir, verkfallsaðgerðir á flugvellinum og týndur gaffall Halla Hrund líka vinsæll annar kostur Kolbeinn hafi strokið kynfæri stúlkunnar ítrekað Segja lýðræðis- og mannréttindabakslag staðreynd Ný sendiskrifstofa opnuð í Síerra Leóne Baldur segir niðurstöður nýjustu kannana vonbrigði Halla Hrund mælist með mest fylgi í nýrri könnun Maskínu Sjá meira
Hægt væri að minnka skattsvik í íslensku samfélagi um tugi milljarða á hverju ári með tiltölulega einföldum aðgerðum. Þetta segir sviðsstjóri eftirlitssviðs hjá Ríkisskattstjóra. Sérstaklega þurfi að bregðast við mikilli fjölgun félaga hér á landi en 73 prósent þeirra skila engum tekjuskatti. Fyrir árið 2014 áætlaði ríkisskattstjóri að umfang skattsvika á Íslandi nemi rúmlega 80 milljörðum króna á ári. Aukin umsvif í hagkerfinu undanfarin misseri benda til þess að þessi tala sé nú á bilinu 90 til 100 milljarðar. Til samanburðar er rekstrarkostnaður Landspítalans, Háskóla Íslands og Vegagerðarinnar áætlaður á þessu ári tæpir 99 milljarðar.Mikil fjölgun félaga Eitt af því sem embætti ríkisskattstjóra hefur haft til skoðunar varðandi skattsvik hér á landi er mikil fjölgun tekjuskattskyldra félaga. Árið 1992 voru þau 9.568 en eru í dag 39.189. Sigurður Jensson, sviðsstjóri eftirlitssviðs hjá Ríkisskattstjóra, segir embættið ekki hafa getað sinnt þessari miklu fjölgun. Henni megi líkja við færiband í frystihúsi. „Fyrir þessum 20 árum síðan að þá streymdu hérna níu þúsund fiskar um færibandið. Núna eru þeir 39 þúsund en við erum enn þá með sömu hnífanna og sömu verkfærin. Þannig að þar af leiðir er eitthvað sem fellur fyrir borð sem ætti að sinna,“ segir Sigurður.73% félaga greiða engan tekjuskatt Fyrir árið 2014 skiluðu 27% skattskyldra félaga ekki skattframtali innan lögbundins frests. Þá greiddu rúmlega 73 prósent félaga engan tekjuskatt eða tæplega 29 þúsund félög. Sigurður segir hluta- og einkahlutafélög hugsuð utan um atvinnurekstur. Því sé óeðlilegt að stór hluti félaga greiði ekkert til samfélagsins. „Kannski höfum við bara kaffært kerfinu í einkahlutafélaga-væðingu og inn í einkahlutafélögin séu að fara hlutir sem kannski eiga ekkert að vera í rekstri og falla ekki undir atvinnurekstrar hugtakið. En í skjóli þess eru hugsanlega að stunda skattaundanskot,“ segir Sigurður.Meiri ábyrgð einstaklinga Við þessu vill Ríkisskattstjóri bregðast með því að gera ábyrgð einstaklinga sem standa að baki þessum félögum meiri. Verði misfellur í umgjörð félagsins þá fái þeir beinar sektir, ekki ósvipað bifreiðareiganda sem keyrir yfir á rauðu ljósi. „Ég myndi líka vilja sjá það að þegar það eiga sér stað endurákvarðanir hjá þessum aðilum að það sé ekki bara kennitala félagsins sem fær endurákvörðunina. Heldur sé sá einstaklingur sem stýrir félaginu, að hann beri ábyrgð og fái hluta af endurákvörðuninni persónulega,“ segir Sigurður.Hægt að ná tugum milljarða til baka Ríkisskattstjóri hefur skilað tillögum til iðnaðar- og viðskiptaráðherra um úrbætur en þeim hefur ekki verið svarað. Sigurður segir að með tiltölulega einföldum aðgerðum sé hægt að ná stórum hluta af þessum 90 til 100 milljörðum til baka. „Við þurfum, og það er kannski okkar verkefni, að finna misfellurnar og vinna þær niður. En það skiptir tugum milljarða sem hægt er að ná á hverju ári. Það er bara þannig. Með breyttum vinnuaðferðum,“ segir Sigurður.
Mest lesið Endurnýja spá um lok umbrota við Grindavík Innlent „Eldgosið virðist í andarslitrunum“ Innlent Sú sem var oftast nefnd ekki ein af fjórum efstu í könnunum Innlent Tuga enn saknað og 55 látnir Erlent Forsetavaktin 2024: Hver verður sjöundi forseti lýðveldisins? Innlent „Skrímsladeildin“ hafi skorið upp herör gegn mótframbjóðendum Katrínar Innlent Sló til starfsmanns og beit viðskiptavin Innlent Verður borgarstjóri Lundúna þriðja kjörtímabilið í röð Erlent „Lífið heldur áfram eftir svona áfall“ Innlent Landsmenn ánægðir með frammistöðu Höllu Tómasdóttur í kappræðunum Innlent Fleiri fréttir „Eldgosið virðist í andarslitrunum“ Endurnýja spá um lok umbrota við Grindavík Öruggara Suðurland“ – nýtt og spennandi verkefni Sú sem var oftast nefnd ekki ein af fjórum efstu í könnunum Landsmenn ánægðir með frammistöðu Höllu Tómasdóttur í kappræðunum Sló til starfsmanns og beit viðskiptavin „Skrímsladeildin“ hafi skorið upp herör gegn mótframbjóðendum Katrínar Hefur ekki áhuga á slúðurfréttum af öðrum frambjóðendum Tólf tíma tökudagar og svo forsetaframboð Hvernig ætlar ríkið að sækja milljónirnar 360 sem Haraldur gaf? Flottustu Mustang bílarnir landsins til sýnis í dag Halla Hrund eigi langt í land með að tryggja sér embættið Rýnt í forsetakappræður og fylgst með Bakgarðshlaupi „Ég get ekki annað en sagt satt“ Ríflega fjörutíu prósent líst illa á Katrínu „Lífið heldur áfram eftir svona áfall“ Sigu niður í Gretti sterka og dældu úr honum sjó Ók á tvö hundruð með lögguna á hælunum Sólríkasta byrjun árs í Reykjavík í 77 ár Hafa rukkað þá sem valda sinubruna um kostnað við útkall Ótrúlegustu aðskotahlutir gera óskunda í dósatalningarvélum Fjöldi verkfallsboðana á Keflavíkurflugvelli áhyggjuefni Kosið um sameiningu Húna- og Skagabyggðar í júní Nýjustu skoðanakannanir, verkfallsaðgerðir á flugvellinum og týndur gaffall Halla Hrund líka vinsæll annar kostur Kolbeinn hafi strokið kynfæri stúlkunnar ítrekað Segja lýðræðis- og mannréttindabakslag staðreynd Ný sendiskrifstofa opnuð í Síerra Leóne Baldur segir niðurstöður nýjustu kannana vonbrigði Halla Hrund mælist með mest fylgi í nýrri könnun Maskínu Sjá meira