Sex ára en alls ekki á sinni fyrstu Þjóðhátíð

„Ég veit ekki hvað ég er búin að fara oft á Þjóðhátíð,“ segir Hekla Sól Nökkvadóttir  í Herjólfsdal en Hekla er sex ára og var ekki að fara á sína fyrstu Þjóðhátíð.

Þjóðhátíð í Vestmannaeyjum fór fram um helgina og þótti hátíðin heppnast nokkuð vel. Sólin skein á gesti Þjóðhátíðar alla helgina og mikið stuð í dalnum um öll kvöld. Vísir og Stöð 2 var á svæðinu og fylgdist vel með.

„Ég á heima í Garðabæ en amma mín og afi eiga heima hér í Vestmannaeyjum. Mér finnst skemmtilegast að horfa á alla spila á sviðinu,“ sagði Hekla sem var spennt fyrir brennunni á föstudagskvöldinu í Vestmannaeyjum.