Viðar Örn hetja Malmö

Viðar Örn Kjartansson, leikmaður Malmö, skoraði eina mark liðsins þegar það gerði 1-1 jafntefli við Kalmar í sænsku úrvalsdeildinni í knattspyrnu í dag.

Það var Viktor Elm sem kom Kalmar yfir í fyrri hálfleik og var staðan þannig í hálfleik. Það leit allt út fyrir að Kalmar væri að leggja toppliðið en Viðar Örn var ekki alveg á þeim buxunum.

Hann skoraði eina mark liðsins undir lok leiksins og tryggði þeim jafntefli. Viðar og Kári Árnason léku allan leikinn fyrir Malmö í dag en liðið er á toppi deildarinnar með 32 stig, einu stigi meira en Norrköping.