Búvörusamningar munu breytast Snærós Sindradóttir skrifar 11. júlí 2016 07:00 Bændur samþykktu búvörusamninga með afgerandi hætti í vor. Nú er mikil óvissa um framhald samninganna en ljóst er að Alþingi mun breyta þeim að einhverju leyti. vísir/anton brink Fyrir liggur að breytingar verði gerðar á nýjum búvörusamningum í meðförum Alþingis. Samtöl Fréttablaðsins við þingmenn benda til þess að ekki sé meirihluti fyrir samningunum eins og þeir liggja fyrir nú en margir stjórnarþingmenn segjast ekki munu samþykkja þá að óbreyttu. Búvörusamningar Bændasamtaka Íslands og atvinnuvega- og nýsköpunarráðuneytisins voru undirritaðir í febrúar á þessu ári. Boðað hefur verið til kosninga í haust en búvörusamningarnir eru eitt þeirra stóru mála sem þingmenn Framsóknarflokksins leggja áherslu á að klára fyrst. Það sem einna helst hefur verið gagnrýnt þegar kemur að samningunum er langur samningstími, en þeir eiga að gilda í tíu ár með tveimur endurskoðunum á samningstímanum. Samkvæmt samningunum verður hægt á afnámi beingreiðslna til sauðfjárbænda og sérstakur býlisstuðningur tekinn upp. Magntollar á osti verða færðir til þess sem þeir voru árið 1995. Samkvæmt Viðskiptaráði Íslands jafngildir það hækkun úr 480 krónum á kílóið í rúmar 1.000 krónur á kílóið fyrir erlenda osta. Þetta samræmist ekki nýjum tollasamningi Íslands við Evrópusambandið. Sá samningur gerir ráð fyrir að tollfrjáls innflutningskvóti á ostum verði aukinn verulega. Þegar tollasamningurinn var kynntur sagði Gunnar Bragi Sveinsson, sem þá var utanríkisráðherra en er nú landbúnaðarráðherra: „Þetta er fagnaðarefni fyrir íslenska neytendur sem munu sjá þess stað í lækkuðu matvöruverði og útflytjendur sem munu vafalaust nýta sér þá möguleika sem í þessum samningum felast.“Lilja Rafney Magnúsdóttirvísir/vilhelmTollasamningurinn er líka umdeildur á Alþingi. Þann 15. júní síðastliðinn birtist grein á vef Bændablaðsins eftir Lilju Rafneyju Magnúsdóttur, þingmann VG, þar sem hún segir tollasamninginn ógna landbúnaði og byggðaþróun. „Við Vinstri græn viljum verja íslenska landbúnaðarframleiðslu og teljum að með þeim tollasamningi sem hér liggur fyrir sé verið að ógna landbúnaðarframleiðslu í landinu, og ekki bara henni heldur líka ótal atvinnugreinum sem starfa til hliðar við frumframleiðslu í landbúnaði.“ Steingrímur J. Sigfússon, þingmaður VG og fyrrverandi landbúnaðarráðherra, sagðist í samtali við Fréttablaðið ekki munu samþykkja samninginn óbreyttan. Það sem vekur athygli í ræðum hans á Alþingi um búvörusamninga er að svo virðist sem Steingrími þyki samningarnir ekki ganga nógu langt. Hann kallar eftir auknum stuðningi og talar mikið um bága stöðu sauðfjárbænda. En svo segir hann: „Það er ekki hægt að sleppa því að ræða tollasamninginn í tengslum við þetta [...] Heyrast þær sögur úr stjórnarflokkunum að þetta tvennt sé algerlega samtvinnað. Annar flokkurinn muni ekki greiða götu búvörusamninganna nema tollasamningurinn komi með eða öfugt. Er það svo, hæstvirtur ráðherra? Er það hinn pólitíski díll?“Guðlaugur Þór Þórðarsonvísir/vilhelmGuðlaugur Þór Þórðarson, varaþingflokksformaður Sjálfstæðisflokksins, tekur í sama streng og margir samflokksmenn hans um búvörusamninga. „Ég hef áhyggjur af því að verið sé að stefna í hættu þeim árangri sem við náðum í hagræðingunni. Mér finnst að úrvinnslan eigi að vera eins og aðrar greinar undir samkeppnislögum og mér finnst að við ættum að setja okkur metnaðarfyllri markmið þegar kemur að þessari atvinnugrein varðandi gæði og heilnæmi vörunnar. Síðan verðum við að skoða þessi mál í samhengi við tollasamninginn við ESB. Ég hef ekkert legið á þeirri skoðun minni að ég er mjög ósáttur við búvörusamningana eins og þeir liggja fyrir.“ Hann muni gera hvað hann getur til að fá þeim breytt, segir hann.Þessi frétt birtist upphaflega í Fréttablaðinu. Mest lesið Reiður Trump segir Schumer að fara til helvítis Erlent Vestmanneyingar „slógu velferðarskjaldborg“ yfir gesti Innlent Stúlkan sem fór í sjóinn er látin Innlent Fagna afmæli virkjunar sem sökkti sveitajörðum en rafvæddi síldarbæ Innlent Landsvirkjun sé ekki „löngu búin að semja“ við alla landeigendur Innlent Segir „erfiðara“ að náða Diddy eftir „hræðilegar yfirlýsingar“ Erlent Grunaður um að myrða heila fjölskyldu en skilja ungabarnið eftir á lífi Erlent Beinaber gísl látinn grafa eigin gröf á Gasa Erlent Leiddi fordæmalausa bænastund á Musterishæð Erlent Eldur í olíugeymslu í Sochi eftir drónaárás Erlent Fleiri fréttir Fullt af furðubátum keppa á Flúðum í dag Níu ára stúlka frá Þýskalandi sem lést Tilkynnt um þrjár líkamsárásir en flestir gestir „vel búnir, kurteisir og til fyrirmyndar“ Vinnsla stöðvuð í Vatnsfellsvirkjun vegna leka Ekki hlynntur lokun Reynisfjöru og líkamsárásir um helgina Meistaraverkefni sem endaði í The Lancet: „Af hverju ekki að miða hátt?“ Herjólfur siglir í dag Bandaríkin, innflytjendur og Gasa á Sprengisandi Olli slysi undir áhrifum fíkniefna Vestmanneyingar „slógu velferðarskjaldborg“ yfir gesti Búast við gasi á höfuðborgarsvæðinu og Akranesi Landsvirkjun sé ekki „löngu búin að semja“ við alla landeigendur Fagna afmæli virkjunar sem sökkti sveitajörðum en rafvæddi síldarbæ Kvenfólkið í Eyjum bjargaði deginum Skinkur og Sykurpabbar skemmta sér á Egilsstöðum Blússandi stemning á harmonikkuhátíð á Borg Stúlkan sem fór í sjóinn er látin Aldrei upplifað annað eins: „Það eru öll stígvél á þessari eyju uppseld“ Stígvélaskortur í Eyjum og brekkusöngur í Kópavogi Þjóðhátíðarbrennunni frestað til sunnudags Stúlka flutt á sjúkrahús eftir fall í sjóinn við Reynisfjöru Herjólfur siglir ekki meira í dag Stúlka í sjóinn við Reynisfjöru „Varla gangfær“ og „skulfu eins og hríslur“ Verbúðarstemning á Hjalteyri og nóg af ástarpungum fyrir alla Mannmergð vildi sjá fyrsta konunglega breska gestinn Óveður í Eyjum og verbúðarstemning á Hjalteyri Hnífurinn reyndist grilltangir „Það var töluvert verra veður en spáin sagði“ Hávaðarok á Snæfellsnesi og Faxaflóa Sjá meira
Fyrir liggur að breytingar verði gerðar á nýjum búvörusamningum í meðförum Alþingis. Samtöl Fréttablaðsins við þingmenn benda til þess að ekki sé meirihluti fyrir samningunum eins og þeir liggja fyrir nú en margir stjórnarþingmenn segjast ekki munu samþykkja þá að óbreyttu. Búvörusamningar Bændasamtaka Íslands og atvinnuvega- og nýsköpunarráðuneytisins voru undirritaðir í febrúar á þessu ári. Boðað hefur verið til kosninga í haust en búvörusamningarnir eru eitt þeirra stóru mála sem þingmenn Framsóknarflokksins leggja áherslu á að klára fyrst. Það sem einna helst hefur verið gagnrýnt þegar kemur að samningunum er langur samningstími, en þeir eiga að gilda í tíu ár með tveimur endurskoðunum á samningstímanum. Samkvæmt samningunum verður hægt á afnámi beingreiðslna til sauðfjárbænda og sérstakur býlisstuðningur tekinn upp. Magntollar á osti verða færðir til þess sem þeir voru árið 1995. Samkvæmt Viðskiptaráði Íslands jafngildir það hækkun úr 480 krónum á kílóið í rúmar 1.000 krónur á kílóið fyrir erlenda osta. Þetta samræmist ekki nýjum tollasamningi Íslands við Evrópusambandið. Sá samningur gerir ráð fyrir að tollfrjáls innflutningskvóti á ostum verði aukinn verulega. Þegar tollasamningurinn var kynntur sagði Gunnar Bragi Sveinsson, sem þá var utanríkisráðherra en er nú landbúnaðarráðherra: „Þetta er fagnaðarefni fyrir íslenska neytendur sem munu sjá þess stað í lækkuðu matvöruverði og útflytjendur sem munu vafalaust nýta sér þá möguleika sem í þessum samningum felast.“Lilja Rafney Magnúsdóttirvísir/vilhelmTollasamningurinn er líka umdeildur á Alþingi. Þann 15. júní síðastliðinn birtist grein á vef Bændablaðsins eftir Lilju Rafneyju Magnúsdóttur, þingmann VG, þar sem hún segir tollasamninginn ógna landbúnaði og byggðaþróun. „Við Vinstri græn viljum verja íslenska landbúnaðarframleiðslu og teljum að með þeim tollasamningi sem hér liggur fyrir sé verið að ógna landbúnaðarframleiðslu í landinu, og ekki bara henni heldur líka ótal atvinnugreinum sem starfa til hliðar við frumframleiðslu í landbúnaði.“ Steingrímur J. Sigfússon, þingmaður VG og fyrrverandi landbúnaðarráðherra, sagðist í samtali við Fréttablaðið ekki munu samþykkja samninginn óbreyttan. Það sem vekur athygli í ræðum hans á Alþingi um búvörusamninga er að svo virðist sem Steingrími þyki samningarnir ekki ganga nógu langt. Hann kallar eftir auknum stuðningi og talar mikið um bága stöðu sauðfjárbænda. En svo segir hann: „Það er ekki hægt að sleppa því að ræða tollasamninginn í tengslum við þetta [...] Heyrast þær sögur úr stjórnarflokkunum að þetta tvennt sé algerlega samtvinnað. Annar flokkurinn muni ekki greiða götu búvörusamninganna nema tollasamningurinn komi með eða öfugt. Er það svo, hæstvirtur ráðherra? Er það hinn pólitíski díll?“Guðlaugur Þór Þórðarsonvísir/vilhelmGuðlaugur Þór Þórðarson, varaþingflokksformaður Sjálfstæðisflokksins, tekur í sama streng og margir samflokksmenn hans um búvörusamninga. „Ég hef áhyggjur af því að verið sé að stefna í hættu þeim árangri sem við náðum í hagræðingunni. Mér finnst að úrvinnslan eigi að vera eins og aðrar greinar undir samkeppnislögum og mér finnst að við ættum að setja okkur metnaðarfyllri markmið þegar kemur að þessari atvinnugrein varðandi gæði og heilnæmi vörunnar. Síðan verðum við að skoða þessi mál í samhengi við tollasamninginn við ESB. Ég hef ekkert legið á þeirri skoðun minni að ég er mjög ósáttur við búvörusamningana eins og þeir liggja fyrir.“ Hann muni gera hvað hann getur til að fá þeim breytt, segir hann.Þessi frétt birtist upphaflega í Fréttablaðinu.
Mest lesið Reiður Trump segir Schumer að fara til helvítis Erlent Vestmanneyingar „slógu velferðarskjaldborg“ yfir gesti Innlent Stúlkan sem fór í sjóinn er látin Innlent Fagna afmæli virkjunar sem sökkti sveitajörðum en rafvæddi síldarbæ Innlent Landsvirkjun sé ekki „löngu búin að semja“ við alla landeigendur Innlent Segir „erfiðara“ að náða Diddy eftir „hræðilegar yfirlýsingar“ Erlent Grunaður um að myrða heila fjölskyldu en skilja ungabarnið eftir á lífi Erlent Beinaber gísl látinn grafa eigin gröf á Gasa Erlent Leiddi fordæmalausa bænastund á Musterishæð Erlent Eldur í olíugeymslu í Sochi eftir drónaárás Erlent Fleiri fréttir Fullt af furðubátum keppa á Flúðum í dag Níu ára stúlka frá Þýskalandi sem lést Tilkynnt um þrjár líkamsárásir en flestir gestir „vel búnir, kurteisir og til fyrirmyndar“ Vinnsla stöðvuð í Vatnsfellsvirkjun vegna leka Ekki hlynntur lokun Reynisfjöru og líkamsárásir um helgina Meistaraverkefni sem endaði í The Lancet: „Af hverju ekki að miða hátt?“ Herjólfur siglir í dag Bandaríkin, innflytjendur og Gasa á Sprengisandi Olli slysi undir áhrifum fíkniefna Vestmanneyingar „slógu velferðarskjaldborg“ yfir gesti Búast við gasi á höfuðborgarsvæðinu og Akranesi Landsvirkjun sé ekki „löngu búin að semja“ við alla landeigendur Fagna afmæli virkjunar sem sökkti sveitajörðum en rafvæddi síldarbæ Kvenfólkið í Eyjum bjargaði deginum Skinkur og Sykurpabbar skemmta sér á Egilsstöðum Blússandi stemning á harmonikkuhátíð á Borg Stúlkan sem fór í sjóinn er látin Aldrei upplifað annað eins: „Það eru öll stígvél á þessari eyju uppseld“ Stígvélaskortur í Eyjum og brekkusöngur í Kópavogi Þjóðhátíðarbrennunni frestað til sunnudags Stúlka flutt á sjúkrahús eftir fall í sjóinn við Reynisfjöru Herjólfur siglir ekki meira í dag Stúlka í sjóinn við Reynisfjöru „Varla gangfær“ og „skulfu eins og hríslur“ Verbúðarstemning á Hjalteyri og nóg af ástarpungum fyrir alla Mannmergð vildi sjá fyrsta konunglega breska gestinn Óveður í Eyjum og verbúðarstemning á Hjalteyri Hnífurinn reyndist grilltangir „Það var töluvert verra veður en spáin sagði“ Hávaðarok á Snæfellsnesi og Faxaflóa Sjá meira