Kvöldfréttir Stöðvar 2 í beinni útsendingu

Í kvöldfréttum Stöðvar tvö verður fjallað ítarlega um ríkisráðsfundinn á Bessastöðum og nýja ríkisstjórn sem tók við völdum í dag undir forystu Sigurðar Inga Jóhannssonar, nýs forsætisráðherra.

Rætt verður við Lilju Alfreðsdóttur, sem kemur beint út seðlabankanum í nýja ríkisstjórn, tekur við af Gunnari Braga Sveinssyni í utanríkisráðuneytinu. Lilja segist ætla að vera góður ráðherra.

Þá verður rætt við seðlabankastjóra um þá viðkvæmu stöðu sem upp er komin í efnahagsmálum vegna óvissu á Alþingi og jafnframt verðum við í beinni frá mótmælum á Austurvelli og ræðum við Guðna Th. Jóhannesson, sagnfræðing, um stöðu Ólafs Ragnars Grímssonar, forseta Íslands, eftir atburði síðustu daga.

Þetta og margt fleira í kvöldfréttum Stöðvar 2, klukkan 18:30 á samtengdum rásum Stöðvar 2 og Bylgjunnar og í beinni útsendingu í spilaranum hér fyrir ofan.

Þá munu Bjarni Benediktsson og Sigmundur Davíð Gunnlaugsson sitja fyrir svörum, hvor á eftir öðrum, í Íslandi í dag í kvöld.