Fundu metmagn af metamfetamíni í Ástralíu

Ástralska lögreglan hefur greint frá einum mesta fíkniefnafundi allra tíma þar í landi en hún lagði hald á methylamfetamín í fljótandi formi sem metið er á 700 milljónir dollara, um áttatíu og átta milljarða íslenskra króna.

Eiturlyfið var falið innan í gelpúðum í brjóstahöldum sem verið var að flytja til landsins frá Hong Kong í desember síðastliðnum. Fjórir hafa verið handteknir en talið er að magnið af efninu, sem mælist fleiri hundruð lítrar, hefði dugað til að búa til þrjár komma sex milljónir neysluskamta.