Asprilla kennir hestinum sínum að spila fótbolta í risaeðlubúningi | Myndband

Kólumbíumaðurinn Faustino Asprilla verður seint sakaður um að vera eins og fólk er flest.

Þessi 46 ára gamli fjörkálfur, sem gerði garðinn frægan með Parma og Newcastle United á síðustu öld, er duglegur að koma sér í fréttirnir fyrir alls kyns undarleg uppátæki.

Í gær birti Asprilla afar áhugavert myndband á Twitter-síðu sinni. Þar sést Asprilla, íklæddur risaeðlubúningi, kenna hestinum sínum að spila fótbolta.

Hesturinn sýnir ágætis takta þegar hann ýtir risastórum bolta á undan sér eins og sjá má á myndbandinu hér að neðan.

Enseñándole a mi caballo Firulai a jugad futbol. pic.twitter.com/OBN1trmzm0

— Faustino Asprilla (@TinoasprillaH) February 18, 2016