Nýársspá Siggu Kling – Naut: Ár ferðalaga fer í hönd

Elsku sæta nautið mitt. Þú ert að laða að þér svo dásamleg ævintýri sem hefjast í mars. Þú ert í rólegheitunum að sortera ýmislegt upp á nýtt, henda alls kyns gömlu dóti út og taka inn ný gildi.

Alheimurinn hefur ætlað þér sérstakt hlutverk og það er eins og þú finnir sjálft þig og skiljir allt eitthvað svo miklu betur.

Þetta er ár ferðalaga og þú kynnist fólki sem er trúlega erlent eða býr erlendis. Það mun hafa mikil áhrif á þig og breyta lífi þínu að einhverju leyti.

Þú tekur líka miklu betur eftir litlu hlutunum í kringum þig og finnur í þeim friðinn sem er þér svo mikilvægur. Friður og spenna mun ná jafnvægi og útkoman fyrir þig er hamingja.

Viska þín og innsæi hjálpa svo mörgum og þú gefur öðrum ró þó að þér finnist þú oft á tíðum ekki hafa neina rósemi.

Það reddast alltaf allt í kringum þig, þú ert með svo sterkan verndarengil, það er bara svoleiðis. Næstkomandi sumar verður svo miklu betra en síðasta sumar, sérstaklega fyrripartur þess.

Þú færð mikið hrós í janúar því þú átt það skilið og ástin er þarna líka. Slakaðu bara á ef þú ert á lausu, elsku naut, og trúðu á ástina, þá trúir hún á þig! Steinhættu að kvíða komandi tíma því útkoman verður yndisleg.

Gleðilegt nýtt ár elsku naut! Þín, Sigga Kling

Fræg naut: Svali Kaldalóns fjölmiðlamógúll, Guðrún Veiga Guðmundsdóttir, rithöfundur og latikokkur, Ellý Ármanns fjölmiðlakona, Friðrik Þór Friðriksson leikstjóri, Valtýr Björn Valtýsson íþróttafréttamaður, Ólafur Ragnar Grímsson forseti, Álfheiður Ingadóttir þingkona, Halldór Laxness, rithöfundur og skáld, Rúnar Freyr Gíslason leikari, Garðar Thor Cortes söngvari, Helga Möller söngkona, Katrín Tanja Davíðsdóttir crossfit-meistari, Nanna Bryndís Hilmarsdóttir söngkona, Pétur Jóhann Sigfússon.