Starfsmenn utanríkisráðuneytisins skipaðir sendiherrar

Gunnar Bragi Sveinsson utanríkisráðherra hefur skipað fjóra nýja sendiherra. Það eru Harald Aspelund, Helga Hauksdóttir, Ingibjörg Davíðsdóttir og Unnur Orradóttir Ramette.

Harald hefur gegnt stöðu skrifstofustjóra rekstrar- og þjónustu utanríkisráðuneytisins, Helga Hauksdóttir mannauðsstjóra ráðuneytisins og Unnur var sendiráðunautur uppbyggingarsjóðs EES hjá ráðuneytinu. Þá hefur Ingibjörg starfað hjá utanríkisþjónustu Íslands.

Þau voru skipuð sendiherrar nú um áramót, að sögn Urðar Gunnarsdóttur upplýsingafulltrúa utanríkisráðuneytisins.