Beckham gaf heimilislausum manni borgara á Búllunni

David Beckham er án efa einn allra frægasti og vinsælasti íþróttamaður heims í dag. Hann hefur reyndar lagt knattspyrnuskóna á hilluna en hefur í áraraðir verið óskabarn Breta.

Uppáhalds hamborgarastaður Beckham er Tommi´s Burger Joint eða Hamborgarabúllan í London og fer kappinn oft þangað og fær sér alíslenskan hamborgara.

Á dögunum fór Beckham ásamt syni sínum Romeo og dóttur sinni Harper á staðinn og fengu þau sér að borða. Hann kom auga á heimilislausan mann fyrir utan staðinn og ákvað að gefa honum hamborgara.

Sá varð algjörlega orðlaus og þakkaði pent fyrir sig en breski miðillinn Daily Mail greinir frá þessu.