Rebecca Hall leikur fréttakonuna Christine Chubbuck sem fyrirfór sér í beinni útsendingu Birgir Olgeirsson skrifar 16. september 2016 15:21 Rebecca Hall sem Christine Chubbuck. Vísir/YouTube Fjörutíu og tveimur árum eftir að hún svipti sig lífi í beinni útsendingu er væntanleg í kvikmyndahús ytra kvikmyndin Christine sem fjallar um ævi fréttakonunnar Christine Chubbuck. Það er Rebecca Hall sem leikur Chubbuck í þessari kvikmynd en Michael C. Hall fer með hlutverk samstarfsmanns hennar George Peter Ryan.Chubbuck var fréttamaður á vegum WXLT-TV-sjónvarpsstöðvarinnar í borginni Sarasota í Flórída-ríki Bandaríkjanna. Hún glímdi lengi við þunglyndi og hafði rætt þau veikindi og sjálfsvígshugleiðingar við fjölskyldu sína. Þremur vikum fyrir dauða hennar hafði hún beðið fréttastjóra sinn um að fá að gera frétt um sjálfsvíg. Hún tók viðtal við lögreglumann og spurði hann hver væri besta leiðin til að fyrirfara sér. Viku fyrir dauða hennar hafði hún keypt sér byssu og grínaðist með að fyrirfara sér í beinni útsendingu. Að morgni 15. júlí árið 1974 var hún að flytja fregn af skotárás á veitingastaðnum Beef & Bottle við flugvöllinn í Sarasota. Tæknibilun varð til þess að myndbandið spilaðist ekki í beinni útsendingu. Chubbuck yppti öxlum og sagði við áhorfendur: „Til að vera trú stefnu Channel 40 um að sýna ykkur það nýjasta þegar kemur að blóðsúthellingum í lit, þá fáið þið að sjá í fyrsta skiptið tilraun til sjálfsvígs.“ Hún dró því næst upp byssu, miðaði henni að höfði sínu og tók í gikkinn. Líkami hennar kastaðist fram á borðið með látum og útsendingarstjóri rauf útsendingu. Eftir þennan voveiflega atburð fann fréttastjórinn Mike Simmons handrit sem Chubbuck hafði útbúið fyrir útsendingu en þar hafði hún skrifað upp atburðarásina skref fyrir skref og ekki aðeins sjálfsvígið heldur einnig handrit fyrir þann aðila sem myndi greina áhorfendum frá því hvað hefði gerst. Hafði hún skrifað í handritið að hún væri í lífshættu eftir sjálfsvígstilraunina. Hún var flutt á sjúkrahús þar sem hún var úrskurðuð látin 14 klukkutímum síðar. Upptakan af þessum fréttatíma hefur ekki sést síðan. Í júní síðastliðnum tilkynnti Mollie Nelson, ekkja Robert Nelson sem átti stöðina þegar þetta átti sér stað, að eiginmaður hennar hefði átt afrit af fréttatímanum sem hún fékk við andlát hans. Hún kom eintakinu til lögmannsstofu til vörslu og ætlar sér ekki að sýna það almenningi. Myndin Christine verður frumsýnd 14. október næstkomandi í Bandaríkjunum en stiklu úr myndinni má sjá hér fyrir neðan: Bíó og sjónvarp Mest lesið „Þetta styrkti mig rosalega en þetta braut mig líka“ Tónlist Fataherbergið seldi henni íbúðina strax Tíska og hönnun Gaman að geta grætt fólk á góðan hátt Lífið Fréttatía vikunnar: Lögreglan, körfubolti og frambjóðendur Lífið „Ég dreg mig í hlé og fer bara og stofna kaffihús“ Lífið Sérfræðingar rýna í Bakgarðshlaupið: „Endamarkið er í hausnum á þér“ Lífið Grænmetisæta í 38 ár en ekki lengur Lífið Fjórar dýrindis diskósúpur úr hráefnum sem annars hefði verið hent Lífið Bakaríið í beinni Lífið Kynfræðingur selur slotið á landsbyggðinni Lífið Fleiri fréttir Gefi raunsanna mynd af stefnumótahremmingum trans kvenna Potter-stjarna harmar hvernig fór með Rowling Gæsahúð og allur tilfinningaskalinn á forsýningu Mari Eltihrellirinn í Baby Reindeer íhugar að leita réttar síns Frumsýning á Vísi: Fyrsta stiklan úr Snertingu Frumsýning á Vísi: Segja þjóðinni loksins frá harðræðinu á vistheimilunum Ljósbrot meðal opnunarmynda í Cannes Hámhorfið: Hvað eru grafískir hönnuðir að horfa á? Cox segir Phoenix ömurlegan sem Napóleon Komu saman vegna þrjátíu ára afmælis Pulp Fiction Á slóðum Arabíu Lárens með Anthony Hopkins Keanu Reeves mun leika helsta keppinaut Sonic Fyrsta plakatið og önnur kitlan úr Snertingu Hámhorfið: Hvað eru landsliðskonur í knattspyrnu að horfa á? Fylgdi Mari Jaersk á æskuslóðir: „Hann stakk hníf inn í lungun á pabba tvisvar“ Rowling enn bitur út í Harry Potter-stjörnurnar Frumsýning á Vísi: Fyrsta kitlan úr Snertingu Bridget Jones 4 kemur út á næsta ári Mun túlka Springsteen Finna enn gríðarlega sterk áhrif Eurovision-myndarinnar Verður aftur laglega ljóskan Elle Woods Svar Íslands og Sviss við Forrest Gump mætir á skjáinn Sjá meira
Fjörutíu og tveimur árum eftir að hún svipti sig lífi í beinni útsendingu er væntanleg í kvikmyndahús ytra kvikmyndin Christine sem fjallar um ævi fréttakonunnar Christine Chubbuck. Það er Rebecca Hall sem leikur Chubbuck í þessari kvikmynd en Michael C. Hall fer með hlutverk samstarfsmanns hennar George Peter Ryan.Chubbuck var fréttamaður á vegum WXLT-TV-sjónvarpsstöðvarinnar í borginni Sarasota í Flórída-ríki Bandaríkjanna. Hún glímdi lengi við þunglyndi og hafði rætt þau veikindi og sjálfsvígshugleiðingar við fjölskyldu sína. Þremur vikum fyrir dauða hennar hafði hún beðið fréttastjóra sinn um að fá að gera frétt um sjálfsvíg. Hún tók viðtal við lögreglumann og spurði hann hver væri besta leiðin til að fyrirfara sér. Viku fyrir dauða hennar hafði hún keypt sér byssu og grínaðist með að fyrirfara sér í beinni útsendingu. Að morgni 15. júlí árið 1974 var hún að flytja fregn af skotárás á veitingastaðnum Beef & Bottle við flugvöllinn í Sarasota. Tæknibilun varð til þess að myndbandið spilaðist ekki í beinni útsendingu. Chubbuck yppti öxlum og sagði við áhorfendur: „Til að vera trú stefnu Channel 40 um að sýna ykkur það nýjasta þegar kemur að blóðsúthellingum í lit, þá fáið þið að sjá í fyrsta skiptið tilraun til sjálfsvígs.“ Hún dró því næst upp byssu, miðaði henni að höfði sínu og tók í gikkinn. Líkami hennar kastaðist fram á borðið með látum og útsendingarstjóri rauf útsendingu. Eftir þennan voveiflega atburð fann fréttastjórinn Mike Simmons handrit sem Chubbuck hafði útbúið fyrir útsendingu en þar hafði hún skrifað upp atburðarásina skref fyrir skref og ekki aðeins sjálfsvígið heldur einnig handrit fyrir þann aðila sem myndi greina áhorfendum frá því hvað hefði gerst. Hafði hún skrifað í handritið að hún væri í lífshættu eftir sjálfsvígstilraunina. Hún var flutt á sjúkrahús þar sem hún var úrskurðuð látin 14 klukkutímum síðar. Upptakan af þessum fréttatíma hefur ekki sést síðan. Í júní síðastliðnum tilkynnti Mollie Nelson, ekkja Robert Nelson sem átti stöðina þegar þetta átti sér stað, að eiginmaður hennar hefði átt afrit af fréttatímanum sem hún fékk við andlát hans. Hún kom eintakinu til lögmannsstofu til vörslu og ætlar sér ekki að sýna það almenningi. Myndin Christine verður frumsýnd 14. október næstkomandi í Bandaríkjunum en stiklu úr myndinni má sjá hér fyrir neðan:
Bíó og sjónvarp Mest lesið „Þetta styrkti mig rosalega en þetta braut mig líka“ Tónlist Fataherbergið seldi henni íbúðina strax Tíska og hönnun Gaman að geta grætt fólk á góðan hátt Lífið Fréttatía vikunnar: Lögreglan, körfubolti og frambjóðendur Lífið „Ég dreg mig í hlé og fer bara og stofna kaffihús“ Lífið Sérfræðingar rýna í Bakgarðshlaupið: „Endamarkið er í hausnum á þér“ Lífið Grænmetisæta í 38 ár en ekki lengur Lífið Fjórar dýrindis diskósúpur úr hráefnum sem annars hefði verið hent Lífið Bakaríið í beinni Lífið Kynfræðingur selur slotið á landsbyggðinni Lífið Fleiri fréttir Gefi raunsanna mynd af stefnumótahremmingum trans kvenna Potter-stjarna harmar hvernig fór með Rowling Gæsahúð og allur tilfinningaskalinn á forsýningu Mari Eltihrellirinn í Baby Reindeer íhugar að leita réttar síns Frumsýning á Vísi: Fyrsta stiklan úr Snertingu Frumsýning á Vísi: Segja þjóðinni loksins frá harðræðinu á vistheimilunum Ljósbrot meðal opnunarmynda í Cannes Hámhorfið: Hvað eru grafískir hönnuðir að horfa á? Cox segir Phoenix ömurlegan sem Napóleon Komu saman vegna þrjátíu ára afmælis Pulp Fiction Á slóðum Arabíu Lárens með Anthony Hopkins Keanu Reeves mun leika helsta keppinaut Sonic Fyrsta plakatið og önnur kitlan úr Snertingu Hámhorfið: Hvað eru landsliðskonur í knattspyrnu að horfa á? Fylgdi Mari Jaersk á æskuslóðir: „Hann stakk hníf inn í lungun á pabba tvisvar“ Rowling enn bitur út í Harry Potter-stjörnurnar Frumsýning á Vísi: Fyrsta kitlan úr Snertingu Bridget Jones 4 kemur út á næsta ári Mun túlka Springsteen Finna enn gríðarlega sterk áhrif Eurovision-myndarinnar Verður aftur laglega ljóskan Elle Woods Svar Íslands og Sviss við Forrest Gump mætir á skjáinn Sjá meira