Þyrla Landhelgisgæslunnar kölluð út vegna alvarlegs umferðarslyss í Bröttubrekku

Vörubíll valt í Bröttubrekku um klukkan 13 í dag og hefur veginum verið lokað vegna þessa.

Samkvæmt upplýsingum frá lögreglunni á Vesturlandi var þyrla Landhelgisgæslunnar kölluð út og er komin á slysstað til að flytja ökumanninn suður.

Maðurinn er þó enn fastur í vörubílnum samkvæmt lögreglunni en ekki fást upplýsingar um líðan hans að svo stöddu.

Samkvæmt tilkynningu frá Vegagerðinni er umferð beint um veg 585, Hlíðarveg, við Fellsenda að vestanverðu en Árblik að sunnanverðu á meðan Brattabrekka er lokuð vegna slyssins.

Uppfært klukkan 15.45

Lögreglan á Vesturlandi hefur sent frá sér tilkynningu vegna málsins. Maðurinn var fluttur með þyrlu Landhelgisgæslunnar á Landspítalann í Fossvogi en ekki liggja fyrir upplýsingar um líðan hans að svo stöddu.

Flutningabíll með tengivagn fauk útaf Vestfjarðavegi við Fellsenda í Dölum og valt þar á hliðina um kl. 13 í dag. Ökuma...

Posted by Lögreglan Vesturlandi on 6. janúar 2016