Reyndi að selja fíkniefni á rangri síðu

Fíkniefnasali gerði þau mistök í gær að auglýsa fíkniefni til sölu á vitlausri Facebooksíðu. Við auglýsinguna setti salinn símanúmer sitt. Ljóst er að fíkniefni ganga kaup og sölum á síðum á Facebook og hefur salinn ekki vandað sig.

„Það er ekki gott fyrir hann en mjög gott fyrir okkur,“ er skrifað á Facebooksíðu Lögreglustjórans á Suðurnesjum.

Færsluna setti salinn inn á síðuna Keflavík og Keflvíkingar. Í þeim hópi eru 8.765 manns. Síðan er ætluð til þess að innfæddir og aðfluttir geti sameinast á einum stað og auk þess stendur greinilega í lýsingu síðunnar og í hástöfum að auglýsingar séu bannaðar þar. 

Þá bendir lögreglan foreldrum á að fylgjast með samfélagsmiðlum og gefa því vökult auga hvort börn séu að adda vinum sem þau þekki ekki og sé klárlega falskur aðgangur.

Færsla Lögreglustjórans endar á því að lögreglan ætli sér að finna þennan sölumann.

Veraldarvefurinn getur verið varasamur.Því fékk þessi fíkniefnasölumaður að kynnast í gær. En það er þekkt að aðilar...

Posted by Lögreglustjórinn á Suðurnesjum on Thursday, March 10, 2016