Afar stressuð fyrir kossinn í Love Actually sem var fyrsti kossinn Kolbeinn Tumi Daðason skrifar 17. desember 2016 17:00 Joanna smellir kossi á kinn Sam Leikkonan Olivia Olson segist aldrei hafa getað gert sér í hugarlund hve vinsæl kvikmyndin Love Actually yrði. Óhætt er að segja að hún sé orðin fastagestur á skjám fólks víða um heim en myndin skartar einvala liði leikara og er afar vinsæl. Þrettán ár eru liðin síðan myndin kom út. Flestir þekkja vel til myndarinnar sem fjallar um ástina frá ýmsum sjónarhornum, ómögulega ást, ást barna, ást efri stétta við þá neðri og þar fram eftir götunum. Olson leikur hina ungu Joönnu sem skólabróðir hennar Sam fellur fyrir. Til að gera langa sögu stutta þá endar þeirra saga fallega og smellir Joanna meðal annars kossi á kinn hins unga Sam, sem er handviss að hann er ástfanginn af henni. Thomas Brodie-Sangster fór með hlutverk Sam í myndinni. „Þetta var fyrsti kossinn minn, og á skjánum líka,“ segir Olson í viðtali við E-online sem má sjá hér að neðan. „Ég var mjög stressuð af því ég var pínulítið skotin í Thomas á sínum tíma og svo hafði ég líka áhyggjur af því ég var hávaxnari en hann,“ segir Olson. „Það er frábært að fyrsta myndin sem ég lék í varð að sígildri jólamynd,“ segir Olson. Það sé spennandi að fólk sé enn að tala um myndina. Olson minnist ráða sem Emma Thompson, sem fer með hlutverk í myndinni, deildi með leikurunum ungu hvernig maður ætti að fara að því að gráta. Thompson leikur konu sem lendir í því að eiginmaður hennar fer að sýna yngri konu áhuga. Olson hefur eftir Emmu: „Ég set mig í spor þess sem ég leik, ég hugsa ekki um neitt sorglegt. Ég hugsa bara um það hvernig mér myndi líða ef eiginmaður minn væri að halda framhjá mér.“ „Við krakkarnir í myndinni fylgdumst grannt með þegar atriðin voru skotin og við vorum full af aðdáun gagnvart henni og Alan Rickman,“ segir Olson. Rickman leikur eiginmann Thompson. Að neðan má sjá stiklu úr myndinni. Bíó og sjónvarp Mest lesið Ofboðslega stolt af dóttur sinni Lífið Myndaveisla: Rosaleg stemming í kosningavökunum Lífið Klæddu sig upp sem frambjóðendur Lífið Tvöföld veisla hjá Gnarr feðgum Lífið Bannaði Snorra að kjósa Arnar Þór Lífið „Svo góð tilfinning að endurheimta sjálfa sig“ Tónlist Fékk að heyra að konur ættu ekki heima á sjó Lífið „Nú er þessi sprettur á enda“ Lífið Kosningavökur frambjóðenda: Hvar verða mestu fagnaðarlætin? Lífið Herra Hnetusmjör og Sara selja íbúðina Lífið Fleiri fréttir Balti var í hesthúsinu þegar Jason Statham hringdi Gleði og tilhlökkun fyrir fyrstu Filmu hátíðinni Anora hlaut Gullpálmann í ár Syngja með Grease á fyrstu skynsegin sýningu Íslandssögunnar Balti hélt að Pálmi myndi aldrei mæta Opinbera Hemsworth í hlutverki Geralt Egill mætti með barnabörnin á forsýningu Snertingar Stóðu upp og klöppuðu í fimm mínútur fyrir Ljósbroti Stjörnurnar vilja Spacey úr sjö ára útlegð Fundu föt við hæfi á síðustu stundu fyrir Cannes Fyrsta kitlan úr annarri seríu Rings of Power Sorgin allsráðandi í fyrstu stiklunni úr Ljósbrot Statham og Baltasar sameina krafta sína í væntanlegri hasarmynd Gefi raunsanna mynd af stefnumótahremmingum trans kvenna Potter-stjarna harmar hvernig fór með Rowling Sjá meira
Leikkonan Olivia Olson segist aldrei hafa getað gert sér í hugarlund hve vinsæl kvikmyndin Love Actually yrði. Óhætt er að segja að hún sé orðin fastagestur á skjám fólks víða um heim en myndin skartar einvala liði leikara og er afar vinsæl. Þrettán ár eru liðin síðan myndin kom út. Flestir þekkja vel til myndarinnar sem fjallar um ástina frá ýmsum sjónarhornum, ómögulega ást, ást barna, ást efri stétta við þá neðri og þar fram eftir götunum. Olson leikur hina ungu Joönnu sem skólabróðir hennar Sam fellur fyrir. Til að gera langa sögu stutta þá endar þeirra saga fallega og smellir Joanna meðal annars kossi á kinn hins unga Sam, sem er handviss að hann er ástfanginn af henni. Thomas Brodie-Sangster fór með hlutverk Sam í myndinni. „Þetta var fyrsti kossinn minn, og á skjánum líka,“ segir Olson í viðtali við E-online sem má sjá hér að neðan. „Ég var mjög stressuð af því ég var pínulítið skotin í Thomas á sínum tíma og svo hafði ég líka áhyggjur af því ég var hávaxnari en hann,“ segir Olson. „Það er frábært að fyrsta myndin sem ég lék í varð að sígildri jólamynd,“ segir Olson. Það sé spennandi að fólk sé enn að tala um myndina. Olson minnist ráða sem Emma Thompson, sem fer með hlutverk í myndinni, deildi með leikurunum ungu hvernig maður ætti að fara að því að gráta. Thompson leikur konu sem lendir í því að eiginmaður hennar fer að sýna yngri konu áhuga. Olson hefur eftir Emmu: „Ég set mig í spor þess sem ég leik, ég hugsa ekki um neitt sorglegt. Ég hugsa bara um það hvernig mér myndi líða ef eiginmaður minn væri að halda framhjá mér.“ „Við krakkarnir í myndinni fylgdumst grannt með þegar atriðin voru skotin og við vorum full af aðdáun gagnvart henni og Alan Rickman,“ segir Olson. Rickman leikur eiginmann Thompson. Að neðan má sjá stiklu úr myndinni.
Bíó og sjónvarp Mest lesið Ofboðslega stolt af dóttur sinni Lífið Myndaveisla: Rosaleg stemming í kosningavökunum Lífið Klæddu sig upp sem frambjóðendur Lífið Tvöföld veisla hjá Gnarr feðgum Lífið Bannaði Snorra að kjósa Arnar Þór Lífið „Svo góð tilfinning að endurheimta sjálfa sig“ Tónlist Fékk að heyra að konur ættu ekki heima á sjó Lífið „Nú er þessi sprettur á enda“ Lífið Kosningavökur frambjóðenda: Hvar verða mestu fagnaðarlætin? Lífið Herra Hnetusmjör og Sara selja íbúðina Lífið Fleiri fréttir Balti var í hesthúsinu þegar Jason Statham hringdi Gleði og tilhlökkun fyrir fyrstu Filmu hátíðinni Anora hlaut Gullpálmann í ár Syngja með Grease á fyrstu skynsegin sýningu Íslandssögunnar Balti hélt að Pálmi myndi aldrei mæta Opinbera Hemsworth í hlutverki Geralt Egill mætti með barnabörnin á forsýningu Snertingar Stóðu upp og klöppuðu í fimm mínútur fyrir Ljósbroti Stjörnurnar vilja Spacey úr sjö ára útlegð Fundu föt við hæfi á síðustu stundu fyrir Cannes Fyrsta kitlan úr annarri seríu Rings of Power Sorgin allsráðandi í fyrstu stiklunni úr Ljósbrot Statham og Baltasar sameina krafta sína í væntanlegri hasarmynd Gefi raunsanna mynd af stefnumótahremmingum trans kvenna Potter-stjarna harmar hvernig fór með Rowling Sjá meira