Epískt innslag: Barber leggur bjór að veði að Ísland vinni riðilinn

Robert C. Barber, sendiherra Bandaríkjanna á Íslandi, hefur hvílt áhuga sinn á hafnarbolta á meðan Evrópumótinu í knattspyrnu í Frakklandi stendur. Nú dugar ekkert annað en „Áfram Ísland“ eins og Barber öskrar þrisvar sinnum í skemmtilegu innslagi frá sendiráðinu.

Barber hefur tekið áskorun kollega sinna í Austurríki, Portúgal og Ungverjalandi. Hann leggur kippu af Einstök bjór að veði og hefur fulla trú á því að Íslendingar vinni F-riðilinn.

Innslagið má sjá hér að neðan en segja má að um skylduáhorf sé að ræða.