Hálka á Hellisheiði og Þrengslum

Hálka er á Hellisheiði og Þrengslum og hálka eða snjóþekja á öðrum leiðum á Suðurlandi.

„Éljagangur er í nágrenni við Vík og þar er snjóþekja á vegum.

Hálka er á flestum vegum á Vesturlandi og Vestfjörðum en þó er snjóþekja á Klettshálsi og Hjallahálsi.

Á Norður- og Austurlandi hálka eða hálkublettir mjög víða en snjóþekja á Möðrudalsöræfum, Vopnafjarðarheiði og á Jökuldal.

Greiðfært er með suðausturströndinni suður að Eldhrauni en þar eru hálkublettir á kafla,“ segir í tilkynningu frá Vegagerðinni.