Óli Geir brann illa í Asíu: „Mér er illt. Ái. Áiiiiiii“

„Er bleikur núna. BLEIKUR,“ skrifar plötusnúðurinn Óli Geir á Facebook-síðu sína en hann brann illa í Asíureisu sinni. „Sofnaði á bakkanum meðan ég var að tana í 35 gráðum. Vaknaði í sársauka, vel steiktur og brunninn.“ Hann segist síðan ætla að verja deginum með aloe vera geli en það er þekkt fyrir að vera gott á brunasár. „Mér er illt. Ái. Áiiiiiii.“

Plötusnúðurinn virðist hræddur um að fólk óski sér illt þar sem uppfærsla hans hefst á orðunum: „Gleður líklega marga að lesa þetta.“

Óli Geir er staddur erlendis vinnu sinnar vegna en hann spilaði á tvö þúsund manna klúbbi í Manila höfuðborg Filippseyja þann 8. maí síðastliðinn. Hann sagði af því tilefni margar dyr hafa opnast fyrir sér í Asíu í DJ-geiranum.