Rúta fauk út af veginum við Hafnarfjall

Nokkuð hefur verið um útköll björgunarsveita í dag. Beðið hefur verið um aðstoð vegna foks í Reykjanesbæ, Patreksfirði, Hellu, Reykjavík, Grímsnesi, Skagaströnd og Blönduósi. Þetta kemur fram í tilkynningu frá Landsbjörgu.

Ökumenn hafa svo verið í vandræðum í dag. Við Hafnarfjall fauk rúta út af veginum á þriðja tímanum í dag og ferjuðu björgunarsveitir 17 farþega hennar í hús.

Einnig hafa fastir bílar verið sóttir á Hálfdán, Fjarðarheiði,  Steingrímsfjarðarheiði og á Möðrudalsöræfi.