Hafa tvívegis þurft að hætta dælingu

Uppfært 14.03 Búið er sökkva Perlu á nýjan leik eftir að vatni var dælt inn í skut skipsins til þess að freista þess að rétta skipið við. Vel gekk að ná skuti skipsins í morgun en stefnið fylgdi ekki með. 

Í samtali við Vísi sagði Gísli Gíslason hafnarstjóri Faxaflóahafna að þetta myndi tefja björgun skipsins en að dæling myndu hefjast að nýju innan tíðar.

Dæling sem hófst úr sanddæluskipinu Perlu í Reykjavíkurhöfn í morgun hefur gengið erfiðlega að sögn Gísla. Dælingunni hefur tvívegis verið hætt í dag eftir að halli kom á skipið.

Gísli segir að skutur skipsins hafi lyfst við dælingu í morgun, en það hafi verið vandi að ná stefninu upp. „Menn eru að ráða ráðum sínum um hvernig landið liggur.“

Hann segir verkefnið vera snúið og það þurfi að gæta að ýmislegu.

„Það er betra að fara varlega þegar fimm hundruð tonna skipi er lyft af hafsbotni. Staðan akkúrat núna er að það er ekki verið að dæla. Þeir meta stöðuna skref af skrefi. Við sjáum til hvernig þessu reiðir af fram eftir degi.“

Aðstæður eru þó ágætar og Gísli segir að finna þurfi lausn á gátunum neðansjávar.

Perla sökk á mánudaginn og eru ástæður þess enn ókunnar. Talið er líklegt að gleymst hafi að loka fyrir botnloka skipsins áður en það var sett á flot.