Reyndi að halda á forsætisráðherra Úkraínu út úr þingsal

Slagsmál brutust út í úkraínska þinginu í dag eftir að stjórnarþingmaður lyfti forsætisráðherranum Arseny Yatsenyuk, sem þá var í ræðustól, og reyndi á halda á honum út úr þingsal.

Oleg Barna byrjaði á því að færa Yatsenyuk rósabúnt áður en hann lyfti forsætisráðherranum. Barna á sæti í stjórnarmeirihluta sem styður Petró Pórósjenkó, forseta landsins.

Yatsenyuk var að ræða árlega skýrslu um störf ríkisstjórnarinnar þegar atvikið átti sér stað.

Sjá má atvikið að neðan.