Kúba tekin af lista yfir ríki þar sem mansal þrífst

Kúba og Malasía voru í gær tekin af lista Bandaríkjanna yfir þau ríki þar sem mansal þrífst helst. John Kerry, utanríkisráðherra Bandaríkjanna, kynnti árlega skýrslu utanríkisráðuneytisins um mansal á heimsvísu í gær.

Samflokksmenn Kerrys úr flokki demókrata gagnrýndu hann fyrir að taka Kúbu og Malasíu af listanum og töldu ástæðuna pólitíska en Bandaríkin og Kúba tóku aftur upp formlegt stjórnmálasamband í síðustu viku. Auk þess er viðskiptasamningur við Malasíu í vinnslu.