Hildur Líf flutti til Bandaríkjanna á Valentínusardaginn

Förðunarfræðingurinn og stílistinn Hildur Líf Higgins hefur flust búferlum til Bandaríkjanna. Hún flutti út til bandarísks eiginmanns síns á Valentínusardaginn og eiga þau von á sínu fyrsta barni. Eiginmaður hennar er lögfræðingurinn Albert Higgins, sem á ættir að rekja til Arizona.

Parið lét pússa sig saman í byrjun síðasta hausts og hefur Hildur Líf tekið mormónatrú. Hildur Líf starfaði áður í snyrtivöruversluninni Make up Gallery á Glerártorgi á Akureyri og komst í fréttirnar þegar hún yfirbugaði þjóf sem mætti í búðina með hníf.