Bibbi í Skálmöld stal 100 "lækum“

Snæbjörn Ragnarsson, einnig þekktur sem Bibbi í Skálmöld, hefur viðurkennt að hafa tekið 100 „læk“ ófrjálsri hendi á Facebook. Það gerði hann með því að nota mynd af Gunnari Reyni Valþórssyni sem prófílmynd, eða forsíðumynd. Myndin af Gunnari var frá nýlegum tónleikum hljómsveitarinnar Strigaskór nr.42, en þar leikur Gunnar - eins og margir vita - á gítar.

Sumum þykja kapparnir líkir, en líkindin eru að mestu falin í því að báðir eru afar skeggprúðir menn.

Snæbjörn komst semsagt upp með að nota mynd af Gunnari sem prófílmynd. Hann tjáði sig um málið á Facebook, þar sem hann skrifaði:

„Ég játa. Ég hef tekið 100 læk ófrjálsri hendi. Prófælmyndin mín er ekki af mér. Sorry Gunnar Valþórsson.

Sorry, og reyndar feis líka, ég er kominn með fleiri læk á mína mynd en þú á þína.“

Hér að ofan er myndin af Gunnari, sem Snæbjörn notaði og lét aðra halda að þetta væri hann. Hér að neðan má svo sjá mynd af Snæbirni.