Leiðbeinir körlum og konum í samskiptum kynjanna

„Síðan ég hitti makann minn höfum við haldið fjölda námskeiða sem eiga að hjálpa konum og körlum með að skilja hvert annað betur. Ég ferðast allt árið í kring og það sem ég hef uppgötvað er að það er oft tími á undan kynlífi þar sem konur geta verið mjög óskýrar með það sem þær þurfa og vilja,“ segir Kanadakonan Erin Michaela Brandt, sem stendur fyrir fimm námskeiðum í Reykjavík um helgina og í vikunni í Natha Yogacenter.

Erin mun halda námskeið daglega frá því í dag til þriðjudags en námskeiðin eru ýmist fyrir karla og konur. „Körlum hefur verið kennt af samfélaginu að það sé skortur á kynlífi og að karlar vilji kynlíf meira en konur. Þannig rökleysur láta menn oft vera ýtna í samskiptum við konur en það er einmitt öfugt við það sem þær þurfa.  Þær vilja að karlar hægji á sér og sýni þeim athygli og áhuga.“

Erin segist leggja áherslu á það að fólk leggji sig fram við að skilja hvort annað þegar það kemur að samskiptum kynjanna, sama hvort það sé í rómantísku samhengi eður ei. „Við eigum það til að dæma fyrst í staðinn fyrir að reyna að skilja en þegar fólk áttar sig á góðum ásetningi hins aðilans, þá fer það að hlusta meira og skilja aðilann betur.“

Hér fyrir neðan má sjá Facebook-síður námskeiðanna:

Áskorun til karla (fyrir karla - frítt)

Man-Panel (fyrir konur)

Takmörk og móttækileiki (fyrir konur)

Áskorun til karla 2 (fyrir karla)

Leikjakvöld karla og kvenna